GALAASIA 6:1 - KARÚK-PËRIM KAWALU Nouveau Testament

¹ Batsaar ni nji, uci ñaan mobaa tsi përo ulon ko un cika wi, ind ban ci biki bañaan Uwejats Nasien-batsi, nda ka pëcikësul ni uwaas ujuab. Rukan ibats, pa wi përits teen-teenana buts.

GALAASIA 6:1 ပူးပေါင်းရင်းမြစ်များ

ROOMA 15:1

Nja ban ci biki baliincal, ngë ka puu miira ban daf bukunk, tsi bërafal bukul, nja ka wët puu ro u líl nja wi.

2 TESALONIKA 3:15

Te ind tsë tsuul pi aci bëñaasar, maa nda leentsariul pi aci ñaan ni nda tsaari.

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

1 JOŊ 5:16

Uci ñaan win ni ba tsaari ro ujuban un cits wi pa pëcäts, na ñaandëriul, Nasien-batsi ka wëlul ubiira. Ko wi aci pa ban jubandarats biki pëcäts. Aka ujuban pa pëcäts, nji njaats ind nda ñaandar umënts wun.

2 KORINTU 2:7

Wul ka wun, nda rukaan nda jampësaul, ndë juabëtsanul uwaas pa na rits tuamanaan pëjuatsan pan dëmb pi.

BAYEBËREU 12:13

Nda roori iyots ind iga icol, najënk tsë ci nalab, maa na yësan.

1 PER 3:15

maa nda yëmani Këristu di ngëwaas ind, nul nan ci Ajug. Nda ciin ban bayecisër ngënu bëlieng, pa pëyankës na yepar indi ba këyepar, uleka uwats un ci wi tsi ind.

ROOMA 14:1

Nda niirani nan dafi tsi uwak, ind tsë lacanul tsi ibats i na tsij yi.

1 KORINTU 10:12

Unk, na wini na nats aliinc, na rukan ibats pa na rits yër.

1 KORINTU 4:21

Wee nda ŋal wun? Nji pëbi di ind ni pëlumbaj, oo ni bëŋal ni uwejats kajuab-uwaas?

JAKOB 3:2

Nja bëlieng, nja ka yaaraar tsi ngëcumal. Uci ñaan ci, nan ditsi ka yaaraar tsi përim, namëntsan aci ñaan nan bai pëci nawar, na yëlani pëtsëkan uliaful bëlieng.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

MATEU 9:13

Nda tsëpan ndii juk ko wi përim pan picana pink pac wi: ‘Kayëk-ipës ki n fier kun, maa cits bëjakan.’ Par cits bañaan ba mab biki, biki n bi bukun përu, maa bajuban.”

1 KORINTU 14:37

Uci ñaan tsu beenul pëja aci nayëlia oo ñaan Uwejats, në niiran ko wi n picandar ind wink ci utsua Ajug.

1 KORINTU 7:5

Ind tsë laaŋëlar, ucits ba pëjaa nda baar pëloole ulon uwal, pa pëmob tsi bëñaan, a uu ba, ndë kak ka bof; pa Useetaani përits teen-teenan ind, undo kayëlaants pëmob ngëliaf ind.

1 KORINTU 2:15

Ñaan nan tsiji Uwejats Nasien-batsi ka yëkëran ngëko bëlieng uwar, maa nul, ñaan di ka yëkëran bi na ci bi ja.

ROOMA 8:6

Par ko wi uŋal uliaf kë yimpara wi, aci pëcäts; a ko wi Uwejats kë yimpara wi, aci ubiira ni pëfac.

MATEU 11:29

Nda niirani pëkues nji, ndë júk tsi nji, par man tsëk a juab uwaas, din ngëlugum indind ka ci tsi pënaak.

JAKOB 3:13

Naom tsi ind ci-un nameko ni nalipal? Tsi bëroorul, na pibani ngëko ngi nuu ro ngi ci ngëwar, a nuu ro ngul tsi kawelan-beenul kan piban ki na ci nameko.

BAYEBËREU 13:3

Nda lesan barica, pi nda ricaa ni bukul. Nda lesan ban tsija biki pëtsija pa waraatsa pi, pi ind buts tsi ngëliaf ind nda tsua tsi unoor.

GALAASIA 5:23

ni kajuab-uwaas, ni kayëlan-uliaf; kaats ulua un pok wi ngëmënts ngi.

1 KORINTU 3:1

Tsi ucär batsaar ni nji, nji n doots n yëlan pëñakanaan ind, bi nja bi n doon koo ñakanaan bañaan ban tsij biki Uwejats Nasien-batsi, maa man ka pëñakanaan ind pi bañaan biki kan do biki uŋal uyamats, oo pi upäts tsi Këristu.

MATEU 26:75

Din a Per les përim pi Yeesu ro pi jaul: “Uguk ka ruka ka aan, kë pok m meetsin aa ngëyaas ngëwaants.” A na pën acil utsand, a na rug, ajuatsan mak.

MATEU 26:69

Maa a Per ro tsoar di utsand, di bulay. A u ka nampëli naleemp nan tsëpi awokul, a na jaul: “Wi buts, m do ci ni Yeesu Kanpënë-ni-galileeya.”

GALAASIA 6:18

Batsaar ni nji, bëtseend Yeesu Këristu Ajug ija, ba ciin ni uwejats ind. Ameen!

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

2 KORINTU 2:8

Ko wi ndu ñëaan ind wi, aci ind pëpibanul nda ŋalul.