GALAASIA 5:10 - KARÚK-PËRIM KAWALU Nouveau Testament

¹⁰ Nji man fiaar ind tsi Ajug, a me nda ri ka tsij nin ulon uwejats; maa ñaan nan ci tsi pëcok ind ngëwaas, al në rúra ci yën, në lacanaa.

GALAASIA 5:10 ပူးပေါင်းရင်းမြစ်များ

NGËRO 15:24

Wund ate balon tsi wund, biki wund yëlatsi biki; bë ro bi ee ka nooran ind, a bu kë cok ind ngëwejats, tsi bëwejats bukul.

1 KORINTU 5:5

ndë gutsar Useetaani ñaan namëntsan, u gar uliaful, pa uwejatsul ka buer tsi Unu Ajug.

2 KORINTU 1:15

tsi uwatsar wi, man wejats pëbi bërun di ind, pa ind pëyank bëtseend uyaas utëbantsan;

2 KORINTU 10:2

Inkri, man ñaan ind këñaan, ind tsë tsuin pëñakanaan ind ni uyëlan u ci nji rul; bi n yecis bi pëñakanaan biki kan ja biki bëro wund aci bëro ngi ngëwejats ñaan-najin.

2 KORINTU 10:6

A uwal wi nda baar wi pëniiran ko un tsua wi, wund ka baar buts pëtucan baroots ko un tsua wi.

2 KORINTU 13:10

Wul ka wun, man pican ngëko ngi uwal wi n cits wi ni ind; pa u ci nji ni ind, in dits ndoon ind uyëlan tsi pëyëlan pi Ajug wëlin pi pa puu liinc-liincanaan bañaan; maa cits pa pëcok.

2 KORINTU 2:3

Man picari ind ko wi, pa ubaandi nji, in dits n juatsan tsi ban do biki ka pëlilanin uwaas. Ma me uwar uleka ind bëlieng, a me ulílan nji ci buts wiic ind bëlieng;

2 KORINTU 2:6

Pa namënts un, unoor wi bacumal tsuul wi aliing.

2 KORINTU 5:16

Unk, pëpën tsi inkri, wund tsi uyamats, wund kaats ñaan ni wund mei. A uci wund ro me Këristu tsi uyamats, tsi inkri, cits unk di wund meul run.

2 KORINTU 7:16

Man ci tsi ulílan mak, a n watsaraan ind tsi ngëko bëlieng.

2 KORINTU 8:22

Wund ka wëtani nalon ni ngë tsaari, në ci ni ba yëlee biki. Nul, wund ateenaman uŋalul ngëyaas ngëcumal ni tsi ngëwal ngëcumal; maa inkri, awama piban na pe pëtsij uŋal, par afiaar ind mak.

GALAASIA 1:7

Wul cits ulon Upetsan-uwar, maa, aka balon bañaan ban ci biki tsi pëlënkan ind, a ba ŋal pëcík Upetsan-uwar Këristu.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 2:6

Maa tsi uleka ban tsua bukunk pëci bawiak, bu kaats ko wi ba lakin wi. A ko wi ba ro wank ci tsi ulon uwal, fieranatsin; Nasien-batsi di ka teenëna bënaam ñaan-najin.

GALAASIA 3:1

Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

GALAASIA 4:11

Man lënkar uleemp wi leemp wi tsi ind përits ka bëkat.

GALAASIA 4:17

Bukul, uŋal wi ba ka wi pa ind cits u wara wi; maa bu ŋal pëpënan ind nda lawanin, pa ind puu piban uŋal ind pa bukul.

GALAASIA 4:20

Mando ŋal pëci ni ind inkri, ka ñakanaan ind ni pëlon përim pan pats pi; par man taliaar tsi uleka ind.

GALAASIA 5:12

Ban ci bukunk tsi pëcok ind ngëwaas, awara ba roon bu ka kasar.

GALAASIA 5:7

Ind nda ro ka túk uwar; yën bi laaŋ ind pëmob tsi ucär nda liincan?

GALAASIA 6:17

Pa pëtuamës, ñaan tsë cokin uwaas; par man tsij ngëlu Yeesu tsi uliaf nji.

FILIIPUS 3:15

Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

2 TESALONIKA 3:4

tsi Ajug, wund awak ind koon tsi ko wi: Ngi wund tsu ind ngi puu ro, nda ci tsi përo ngul, a nduu mob tsi përo ngul.

1 TIMOTEU 1:20

Imeneu, ni Aleksandër, bu bof tsi bamënts bakan. Man gutsar bukul Useetaani, pa ba juk pëkatse pëkar Nasien-batsi.

FILEMON 1:21

Man picariu, undo ma wak koon kë ro ko un jaka wi, a me kë ro aa kë paran ko wi n ja wi.