GALAASIA 5:1 - KARÚK-PËRIM KAWALU Nouveau Testament

¹ Këristu afacan nja pa n ja pëci bafacal. Nda ciin baliincal, ind tsë kaka niaj tsi pëluek.

GALAASIA 5:1 ပူးပေါင်းရင်းမြစ်များ

MATEU 23:4

Bu ja ba tan itan iritsal, iñats yi pëyunts, bu ka lapan yul bañaan, maa bukul bërier bukul, bu ri ka ŋal pëkërara yul, ŋal ni pëkuanj.

LÚKAS 5:38

Maa pëwat pëwalu, aka pa roon pëtsua di itël iwalu.

NGËRO 15:10

Inkri, we ka wun a nduu teen-teenan Nasien-batsi, a nduu tsu bafets Yeesu pëniiran pëkues pi nin basini njanin n ja, niiraants pi pëkuesa.

ROOMA 6:14

Unk, ujuban di ka ka pëyëlan tsi ind, par nda cits tsi ngëtsua; maa tsi bëtseend Nasien-batsi.

ROOMA 6:18

Ind nda facana tsi ujuban, a nda ruka ci baluek tsi bëmabal.

ROOMA 7:3

A uci uwal wi ayën wama wi ci, na ruka ci ni nalon niints, në jakaa aci naro-mjubi; maa uci ayën cats në fac ngëtsua bënim, ŋal në nima nalon niints, di ka jaka aci naro-mjubi.

ROOMA 7:6

Maa inkri ngë pënana tsi ngëtsua, par ngë cats uleka ko undo wi mob inja tsi pëluek; wul ka wun nja kë leemparaan Nasien-batsi tsi bëci buwalu tsi Uwejats, katse ci tsi bëci bëpic bëjon.

ROOMA 8:15

Par cits uwejats pëluek wi nda yank wun, wi kan tsu ind wi kak tsi bëlal; maa nda yank Uwejats un tsu ind wi a nda ci babuk, a tsi wul tsi nja kë liëna tsun koo ja: Aba, Paapa.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

1 KORINTU 16:13

Nda waayan, nda moban tsi uwak nda liincan, nda ciin bayënts, nda kaan uyëlan.

1 KORINTU 7:22

Par ni Ajug rui a na ci naluek, në ruka ci ni Ajug buerani. Unk buts nan ci nafacal a na ruee, në ruka ci naluek Këristu.

2 KORINTU 11:20

Ind, nda niiran ind pëtsua baluek, ind puu rea, ind puu caana ngëko, ind puu riangara icak, ind puu waŋaa iñan di imbakats.

2 KORINTU 3:17

Te, Ajug ci-un Uwejats, a tsi Uwejats Ajug ci tsi, pëfacana aci tsul.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 3:25

Maa, bi uwak baandi bi, inkri katse ci najukan tsij-ni jaun.

GALAASIA 4:26

Maa Jerusalem dan ci runk di ruets aci ŋaats na facunk, ciun anin inja;

GALAASIA 4:31

Unk batsaar ni nji, nja ngë cits upäts naluek nun, maa, ngë ci biki ŋaats na faci.

GALAASIA 4:9

maa bi nda me bink Nasien-batsi inkri, te aci Nasien-batsi me ind un, um bi nda witsa bun kak di bëro ban daf bi a ba ciind bëra n jal, a nda kaka ŋal pëci baluek bul?

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

EFEESU 6:14

Wul ka wun, nda natsan uwar ndë tsij ucär pi katël tsi bëlank, nda waan kakundi bëjinc ki bëmabal;

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

1 TESALONIKA 3:8

Inkri wund ate wund yafënts, undo nda liincandar tsi Ajug.

2 TESALONIKA 2:15

Batsaar ni wund, bi u ci bank, nda liincandari, ndë mob tsi ngëdimaan ngi nda jukana ngi; uci ank tsi ko wi wund jukan ind wi ni mtum, oo tsi uletar wund.

BAYEBËREU 10:23

Nda ju ngë mob ngë liincandar tsi pëñakan uleka uwats, te ngë rits tankëlan; par na watsani, aci na njai na roon në mob tsi përim.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

BAYEBËREU 4:14

A bi ngë ka bink nan pei pëci nawiak-bajakan, nul niints nawiak, nan tsëpi a na par-na batsi ban ci bi-ba këci, nul Yeesu, Abuk Nasien-batsi, nda ju ngë mob uwak wi ngë pets wi, ngë liincan.

1 PER 2:16

A bi nda ci bi ban fac biki, ind tsë ro pëfac ind ulec pa pëkundëna kawaraatsa ind; maa nda roan bi nda ci bi baleempar Nasien-batsi.

2 PER 2:19

Bë watsan pëwël bukul pëfac, te bukul bërier bukul bë ci baluek tsi ngëko ngi kan cok ngi; par ñaan nan peai, aci naluek nan peul unk.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.

UPIBAN 2:25

Maa nda moban nda liincan ko wi nda ka wi, te ka tsënkëna ka baandi.

UPIBAN 3:3

Lesan bi m jukana bi m ja, ni bi m te bi m ja; moban tsul, yaari ibats. Maa uci m katats ibats, din ka bi pi nakiej, te m di kë me koon këme uler wi ndu n bi wi tsi wi.