Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.
Par cits uwejats pëluek wi nda yank wun, wi kan tsu ind wi kak tsi bëlal; maa nda yank Uwejats un tsu ind wi a nda ci babuk, a tsi wul tsi nja kë liëna tsun koo ja: Aba, Paapa.
A cits ngul rin, maa ŋal nja buts ba yank biki kafa kacak ki Uwejats, unk buts di nja kë ti run tsi nja bërier nja pa pëlip utsua n ja pëci babuk Nasien-batsi, ubuerana ngëliaf nja.
bukul ban ci biki bañaan Israel, bawëla biki pëci babuk Nasien-batsi, a ba wëla përëmb, ni karo-pëloole kan ci ki-ba këci, ni ngëtsua, ni puu jintëla Nasien-batsi, ni ngëwatsan;
Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”
Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.
Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.
Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.
Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.
Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.
A ba ci tsi pëya kaya kawalu, tsi bërun pëtsoari-pësien, ni tsi bërun ngëko ngëyësal ngëbaakër ngun ni bajëŋal bukun. A kaats nan yëlani pëjuk kaya kamënts, ucits ba bañaan ngëmiil useent bukun ni ngëmiil ngëntaaja ngëbaakër ni ngëmiil ngëbaakër (144.000), bukul ba weelënee biki di umundu.
A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.