GALAASIA 3:1 - KARÚK-PËRIM KAWALU Nouveau Testament

¹ Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

GALAASIA 3:1 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 7:26

Maa, nan cikëndëni irim nji yi, a roots ko wi n ja wi, në ci pi nafuur na niewi katoul tsi kayii;

LÚKAS 24:25

Din, Yeesu ja bukul: “Nda ranj ibats, a ngëwaas ind jon pëwak tsi ngi bayëlia ja ngi bëlieng.

NGËRO 16:6

A Pol ni Silas yaana Friijia ni pëboos Galaasia, par Uwejats-ujënts apok bukul pëleents përim di Aasia.

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

ROOMA 10:16

Maa cits bañaan bëlieng niiran bukun Upetsan-uwar; par Isaaya aja: “Ajug, yën wak un përim pi wund leents pi?”

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

1 KORINTU 11:26

Par ndu ja nduu re pëpom pi, nduu raan tsi karaani ki, ndë ci këci tsi pëleents pëcäts Ajug te në tsënkëna ka bi.

1 KORINTU 2:2

par man baaraan përits me nin ulon ko tsi pëncuaf ind, ucits ba Yeesu Këristu, nul nan dieŋee di kruus.

2 KORINTU 10:5

ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

GALAASIA 1:2

Batsaar ninjabëlieng ban ci biki ni nji, wund apicandëri iriisia i ci yi di Galaasia.

GALAASIA 1:6

Man pikra bi nda car bink awëtan nandui indi tsi bëtseend Këristu, a nda butar ulon Upetsan-uwar.

GALAASIA 2:14

Maa, bi win bi ngi bu kë ro ngi mabats tsi ucär un ci wi tsi Upetsan-uwar, a nja Seefas tsi pëncuaf bañaan bëlieng: “Uci m ci Najudeu a kë yandaar pi ban cits biki Bajudeu, a m yandaarats pi Najudeu, we ka wun a kë tsu ban cits biki Bajudeu, puu yandaar pi Bajudeu?”

GALAASIA 3:3

Nda ro um a nda ci ink bafuur, ind ban kurëna biki tsi Uwejats Nasien-batsi, a inkri, ndu tuamanaan tsi uliaf-a?

GALAASIA 4:9

maa bi nda me bink Nasien-batsi inkri, te aci Nasien-batsi me ind un, um bi nda witsa bun kak di bëro ban daf bi a ba ciind bëra n jal, a nda kaka ŋal pëci baluek bul?

GALAASIA 5:11

Maa, batsaar ni nji, uci wama ka leents përim uleka kambac, we ka wun a wama ka noor-noorana? Bi u ci bank, i di ka ja ko uleka kruus, pa përits ci ko wi kan tsui ñaan na yër.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

EFEESU 5:15

Wul ka wun, nda roon bëtsaag tsi bëyandaar ind, ind tsë ci bafuur; maa nda ciin bameko.

2 TESALONIKA 1:8

di bametsu kandiamënt bërua, në lukan ba meets biki Nasien-batsi, ni ban fetsats biki përim Upetsan-uwar Ajug nja Yeesu.

1 TIMOTEU 6:4

ñaan namënts un aci ni mguukandër kuelëtsani, a te meets ko. Yësats koon këyës, par mantotëlër ni mŋom mi na ciina mun. Ci wun ko wi kan tsiji wi karí-ko, pëŋom, ikar, ma njafar ma waraatsa mi,

BAYEBËREU 11:8

Uwak tsu wun Abraam, uwal wi na rua wi pa na tsëp tsëko tsi nu yank tsi, tsë ci bërukandaul, a na niiran a na tsëp, ŋal bi na meets bi tsi nu ya tsi.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

UPIBAN 18:3

Par ngëcaak bëlieng araan pëwat uriab uwiak katúk-ufuts pul; a basien ngëcaak túk ufuts ni pul; a bawap umundu ruka ci barëmb undo upelëkar ngëko pul ngi uroonku.”

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.