GALAASIA 2:9 - KARÚK-PËRIM KAWALU Nouveau Testament

⁹ Bi Jakob ni Seefas ni Joŋ yëkëran bi bëtseend bi wëlaa bi, bukul ban tsua biki pëci icap, a ba wëlin iñan manteelar, nji ni Barnabas, pa wund pëtsëp pa ban cits biki Bajudeu, a bukul bu ka tsëp pa bawela-kambac.

GALAASIA 2:9 ပူးပေါင်းရင်းမြစ်များ

MATEU 16:18

A nji, ma njau: M ci Per, a tsi bulaak bëmënts bi, mán niew Ngëriisia nji, te ilëman mcäts di ka pe ngul uyëlan.

LÚKAS 22:8

A Yeesu yël Per ni Joŋ, aja bukul: “Nda tsëpan ndii yecis Ufesta-pëbuer, pa nja ka re wul.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:42

A na tsëpandul di Yeesu. A Yeesu teenul a na ja: “M ci Simon, abuk Joŋ; kë ruka ka jaka Seefas” un ci wi Per.

NGËRO 12:17

Maa, a na wiil bukul kañan pa ba yëŋandar, na leents bukul bi Ajug pënaniul bi di ukalabus, a na ja: “Nda leentsan Jakob ko umënts wi, ni batsaar ni inja.” A na pën tsul atsëp ulon uburu.

NGËRO 15:13

Bi ba ba bi, Jakob jankma aja: “Batsaar ni nji, nda cikëndënin!

NGËRO 15:7

Bi u tsiji bi mantotëlër irim mwiak, a Per natsa, na ja bukul: “Batsaar ni nji, nda me Nasien-batsi jon ki na ratin ki tsi pëncuaf ind, pa ban cits biki Bajudeu pëteena përim Upetsan-uwar tsi nji, bu ka wak.

NGËRO 4:36

A Juse, nul ni bapostolu tsui katim, Barnabas, uci wi, (abuk kawël katëb). Nul abofëna tsi pëbuka Lewi a na pënë-ni Cipëri,

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

ROOMA 15:15

Maa, man picandëri ind ni bëyeentsal, pa pëlesan ind uleka ngëlon ngëko, undo bëtseend bi Nasien-batsi wëlin bi,

1 KORINTU 15:10

Maa tsi bëtseend Nasien-batsi, man ci ko wi n ci wi. A bëtseendul bi wëla bi, cits ko un kaats wi bëkat, maa man leemp a n pean bukul bëlieng, maa cits nji; aci bëtseend Nasien-batsi ka leemp bun ni nji.

2 KORINTU 11:5

Par man wejats a nja, kaats ko wi n peena wi pëtiesëts tsi bapostolu ban pats bakank.

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

2 KORINTU 8:4

A ba buara wund mak, pa wund wët bukul ba bof di pëtsënk bayëman di Judeeya.

GALAASIA 1:16

pa pëpiban Abukul tsi nji, pa nji pëleents përim ulekaul tsi pëncuaf ban cits biki Bajudeu. Ucar umënts, i yeparats ñaan,

GALAASIA 1:18

A uu par ngëwaanu ngëwaants, din a n pën a n tsëp Jerusalem, pa pii winar ni Seefas, a n tsoar ni nul a do ngënu untaaja ni kañan;

GALAASIA 2:1

Bi u par bi ngëwaanu untaaja ni ngëbaakër, a n kaka kata a n tsëp Jerusalem ni Barnabas, a n tsëpand buts Tiitu.

GALAASIA 2:2

Man kata n tsëp, undo upiban wi pibana wi. A n piban bukul Upetsan-uwar wi ja wi doon koo leents ban cits biki Bajudeu, a n peena ban tsua bukunk pëci bawiak, pa pëtuk nji përits ci pan kaats pi bëkat.

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

EFEESU 2:20

Nda leempan tsi ujuundi di bapostolu ni bayëlia leemp ri; a nul Yeesu Këristu bërierul ci-un pëlaak pëtsaak.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

KOLOS 1:29

Wul ka wun n ci tsi uleemp uñatsal, a ndu n kamanaan uyëlan Këristu, wi ka leemp wi ni pëyëlan tsi nji.

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

UPIBAN 3:12

Nakuk, mán tsuul na ci pëcap di kato-kayëman Nasien-batsi nji; katse ka pëndul yaas. Mán pican tsi nul katim Nasien-batsi nji, ni katim përaasa Nasien-batsi nji, un ci wi Jerusalem dëwalu di kan pëni ri di batsi, tsi Nasien-batsi, du welee; mán picanaand tsi nul katim nji kawalu.