GALAASIA 2:6 - KARÚK-PËRIM KAWALU Nouveau Testament

⁶ Maa tsi uleka ban tsua bukunk pëci bawiak, bu kaats ko wi ba lakin wi. A ko wi ba ro wank ci tsi ulon uwal, fieranatsin; Nasien-batsi di ka teenëna bënaam ñaan-najin.

GALAASIA 2:6 ပူးပေါင်းရင်းမြစ်များ

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MARKU 12:14

Bi ba band bi, a ba jaul: “Najukan! Wund ame m ci nacӓr; m fierats pëme ko wi ñaan ci wi, a m di kë teena bënaam bañaan; maa m ja m doon kuu jukan bëga Nasien-batsi tsi ucär. Pëluk Seesar uraasa, aci ko u niirana wi oo niiranaatsa-a? Ngë ka pëluk oo ngë kaats pëluk-a?”

LÚKAS 20:21

A ba yepar aja: “Najukan! Wund ame m ja m doon kë ñakan ko u mab wi, a kë jukan ko u mab wi. M teenënats ko wi ñaan ci wi, maa kë jukan bëga Nasien-batsi tsi ko un ci wi ucär.

NGËRO 10:34

A Per jankmaul aja: “Tsi ucär, man yëkëran Nasien-batsi di ka kicës bañaan;

NGËRO 5:36

Par, ngënu ngi aruka ka baandi, a Teudas natsa atsu beenul pëci ñaan nawiak, a na jukëlan bayënts ban duakan biki ngëseent ngëbaakër; maa a na fiŋa, a ban do bukunk ka cikëndënul garandar bëlieng, a ko ba unk.

ROOMA 2:11

Par pëkicës, cits tsi Nasien-batsi.

2 KORINTU 11:5

Par man wejats a nja, kaats ko wi n peena wi pëtiesëts tsi bapostolu ban pats bakank.

2 KORINTU 12:11

Man duka n ci nafuur, maa ind tsuin bukun pëci ank. Ind ro bukun ka pëbëndanin, par ŋal bi n cits bi ko, in kaats ko wi n peena wi pëci naties tsi ba n jaka bukunk bapostolu bawiak mak.

2 KORINTU 5:16

Unk, pëpën tsi inkri, wund tsi uyamats, wund kaats ñaan ni wund mei. A uci wund ro me Këristu tsi uyamats, tsi inkri, cits unk di wund meul run.

GALAASIA 2:2

Man kata n tsëp, undo upiban wi pibana wi. A n piban bukul Upetsan-uwar wi ja wi doon koo leents ban cits biki Bajudeu, a n peena ban tsua bukunk pëci bawiak, pa pëtuk nji përits ci pan kaats pi bëkat.

GALAASIA 6:3

Par, uci ñaan wejats pëja ne aci ulon ko, nul nan citsi ko, aci tsi pëfäl beenul.

BAYEBËREU 13:17

Nda roan ko wi ban tsijëna ind biki kë ja wi, ndë niiran wul; bë ci tsi pëwaay ngëwaas ind, par bu ka pëleents bi ba ro bi ja. Nda roan ko wi bu kë ja wi, bukul puu leemp uleemp bukul ni ulílan, u rits ci ni ngëwaas ngan de ngi. Par ucits ank ba, di ka wara ind.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

1 PER 1:17

A ni ka wat unk kara ñaan pëleents tsi ko wi na ro wi, nul nan ditsi ka kicës bañaan, uci nduu ruul koo jaul Asin, nda yandaari tsi pëlënk Nasien-batsi tsi uwal pëtsooŋ ind tsi utsia tsi.