GALAASIA 2:20 - KARÚK-PËRIM KAWALU Nouveau Testament

²⁰ Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 2:20 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 4:3

A nateen-teenan kika awokul, a na jaul: “Uci bi m ci bank Abuk Nasien-batsi, jaan ilaak yi i witsa upom.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:49

Din, a Natanael yankul aja: “Rabi, wi ci-un Abuk Nasien-batsi! Wi ci-un Nasien Israel.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:11

Nji n ci-un nayafan nawar; nayafan nawar ka wël ubiiraul pa ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 15:13

Ñaan cits, nan kai bëŋal ban pe bi bi: ñaan pëwël ubiiraul bërierul undo ifetsarul.

KAKÚRAN-KAWAR YEESU KRISTU BI JOŊ LEENŢ BI KUL AJA 17:21

pa bukul bëlieng pëci baloole, bi m ci bi di nji, Paapa, a n ci di wi, bukul buts bu ka ci di nja. Unk, pa bañaan umundu pëfiaar u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 3:16

Par, Nasien-batsi aŋal bañaan umundu mak, a na tsënkëne wël Abukul, naloole baŋ, pa na waki ba këwak tsi nul, di ka niaman, maa në ka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 3:35

Asin aŋal Abuk, a na wël ngëko bëlieng tsi kañanul.

KAKÚRAN-KAWAR YEESU KRISTU BI JOŊ LEENŢ BI KUL AJA 6:57

Bi Asin nji nan kai ubiira yëliin bink, a nji buts a n kaana ubiira tsi Asin nji, unk buts, ñaan ni n ci barialaul, në ka ubiira tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 6:69

Wund awak a wund me u ci wi ci-un Nayëman, nan pënë-nii tsi Nasien-batsi.”

NGËRO 8:36

Ba repa bëga pëtsëp, a ba band tsëlon tsëko tsan tsij tsi mlik, a niints nan kasa unk ja: “Teenan-e, mlik mi! We ka laaŋin wun pëmijana?” [

NGËRO 9:20

A tsi uyëk umënts wun, Sol kur pëleents di ito-ijuki koo ja, Yeesu ci-un Abuk Nasien-batsi.

ROOMA 1:17

Par tsi wul tsi bëmabal Nasien-batsi pibanaana tsun, pëpën-ni tsi uwak pa uwak, bi u picana bi aja: “Namabal, ka kaana ubiira tsi uwak.”

ROOMA 14:7

Par kaats ñaan tsi nja ni ka yafëntsari beenul bërierul, nin kaats ni kan catsari beenul bërierul.

ROOMA 3:22

Nasien-batsi ka tsuuna bañaan pëci bamabal tsi uwak tsi Yeesu Këristu. Aro unk bañaan ba uwak biki bëlieng. Ngëkicës cits tsul,

ROOMA 4:25

nul na wëlee undo ngëjuban nja a na natsee di pëcäts undo n ja pëtsua bamabal.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

ROOMA 5:6

Par nul Këristu, uwal wi ngë wama wi ci barafal, na cätsar bameets-nasien-batsi, tsi uwal un jaaka wi.

ROOMA 5:8

Maa iink di Nasien-batsi piban dun bëŋalul pa n ja: Bi ngë wama bi ci bajuban, Këristu catsar inja.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:8

Maa, uci bi ngë cats bink ni Këristu, ngë wak n ja kii yës buts ni nul,

ROOMA 8:10

Uci Këristu ci di ind, tsi ucär uliaf a cäts undo ujuban; maa uwejats aci ubiira, undo bëmabal.

ROOMA 8:37

Maa tsi ngëmënts ngan bëlieng, ngë par pëjaa ngë ka kape, tsi na ŋal njai.

1 KORINTU 6:17

Maa ñaan nan bofi tsi Ajug, aci uwejats uloole ni nul.

2 KORINTU 1:24

Cits pëja ne wund ka yëlanar ind tsi uwak ind, maa wund ka leemp ni ind tsi undo ulílan ind; pa uwak ind pëliinc.

2 KORINTU 10:3

Ŋal bi wund kë yandaar bi tsi uyamats, maa cits bi uyamats ŋal bi, bi wund kë kamanaan bun.

2 KORINTU 11:10

A bi ucär Këristu ci bi tsi nji, përëmb pi di ka laaŋain di këboos Akaaya.

2 KORINTU 13:3

Bi nda ŋal bunk pëme uwar bi Këristu kë ñakanaan bi tsi nji, nul nan citsi nan dafi tsi ind, maa apiban pëyëlan tsi ind.

2 KORINTU 13:5

Nda teenamani iyeen ind bërier ind, pa ind pëme ne nda wama ci ank tsi uwak. Nda wejatsari bërier ind. Nda yëkëranats bërier ind Yeesu Këristu ci ri ind-a? Ucits ank, nda ci ba yër biki tsi pëteenamana.

2 KORINTU 5:14

Par bëŋal Këristu acum tsi wund; a tsi uwejats wund, bi ñaan naloole cats bunk pa bañaan bëlieng, inkri bañaan a cäts bëlieng.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 5:7

Par nja ka yandaaraan tsi uwak, cits tsi uwinar.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 2:16

Wund ame ne, cits përo ko wi ulua tsu wi ka tsu wun ñaan pëci namabal, maa pëka uwak tsi Këristu Yeesu ka tsu pun ñaan pëci namabal; a wund wak buts tsi Këristu Yeesu, pa wund pëtsua bamabal, tsi undo uwak wund tsi Këristu; cits pëjaa përo ko wi ulua tsu wi, tsu wund wun pëci bamabal, par përo ko wi ulua tsu wi di ka tsu ñaan pëci namabal.

GALAASIA 3:11

Nin ñaan di ka tsua pëci namabal tsi bërun Nasien-batsi, undo amob tsi ulua; umënts wan aci ko un jënts wi, par namabal ka kaana ubiira tsi uwak.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

GALAASIA 6:14

Maa mdëmbandar ma lawanin, ucits ba tsi kruus Yeesu Këristu Ajugnjarin, kul kan ka ki umundu rieŋa di kruus pa iji, a n dieŋa di kruus pa umundu.

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:25

Ind bayënts, nan ci, na ŋalan aarul bi Këristu ŋal bunk Ngëriisia, a na wël ubiiraul bërierul pa ngul;

FILIIPUS 1:21

Par tsi nji, pëci ni ubiira aci Këristu, a pëcäts ciin bëkat.

FILIIPUS 4:13

Man yëlan ko un ci wi-ba këci, tsi Këristu, nawëlin pëyëlan.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

1 TESALONIKA 1:10

A nda ci tsi pëlip Abukul, ni kan pënii di batsi, ni na tsui a na natsee di bacäts, nul Yeesu, ni ka pënani ija tsi uriab Nasien-batsi wi kan bi wi.

1 TESALONIKA 5:10

nul nan cätsarinjai, pa ngë ci ank tsi kawaay, oo ngë ci ank tsi bëŋooy, nja kë ci ni nul, tsëloole.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 8:3

Nan pei pëci nawiak-bajakan nan ci ba këci, atsua puu wël ngëtseend ni ijakan. Unk, namëntsi buts, aka pëka ko wi nu wël wi.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.

1 JOŊ 4:14

Wund awin, a wund leents Asin yëli Abukul pa pëci Nabueran umundu.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 3:20

Nji n nats ink tsi pëlëman a ndu n koŋkoŋan. Uci ñaan te përim nji a na waants pëlëman, ka n niaj di nul, ka re ufëri ni nul, në re wul ni nji.