GALAASIA 1:7 - KARÚK-PËRIM KAWALU Nouveau Testament

⁷ Wul cits ulon Upetsan-uwar, maa, aka balon bañaan ban ci biki tsi pëlënkan ind, a ba ŋal pëcík Upetsan-uwar Këristu.

GALAASIA 1:7 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

NGËRO 13:10

na ja: “Abuk Ujabël, nan cumi ni ngëko kafal, ni kawaraatsa bëlieng, nabër ko u mab wi; m di kë wëtan pëwítsës iga Ajug imabal-a?

NGËRO 15:24

Wund ate balon tsi wund, biki wund yëlatsi biki; bë ro bi ee ka nooran ind, a bu kë cok ind ngëwejats, tsi bëwejats bukul.

NGËRO 20:30

Bayënts balon ka natsee tsi pëncuaf ind bërier ind koo leents ngëko pëniam, ngi kan tsu ngi ba uwak biki pëfets bukul.

2 KORINTU 11:13

Bamënts bakan bë ci bapostolu batsup, baleemp baniamëlan ba witsësar biki bërier bukul anaam bapostolu Këristu.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

GALAASIA 1:6

Man pikra bi nda car bink awëtan nandui indi tsi bëtseend Këristu, a nda butar ulon Upetsan-uwar.

GALAASIA 2:4

Ko wan aci undo balon batsup ban ja biki bu tsaar ni inja, a ba niaji tsi pëncuaf inja, pa pëjuunkats pëfac pi ngë ka pi tsi Këristu Yeesu, bu ka kakani njatsi pëluek.

GALAASIA 4:17

Bukul, uŋal wi ba ka wi pa ind cits u wara wi; maa bu ŋal pëpënan ind nda lawanin, pa ind puu piban uŋal ind pa bukul.

GALAASIA 5:10

Nji man fiaar ind tsi Ajug, a me nda ri ka tsij nin ulon uwejats; maa ñaan nan ci tsi pëcok ind ngëwaas, al në rúra ci yën, në lacanaa.

GALAASIA 5:12

Ban ci bukunk tsi pëcok ind ngëwaas, awara ba roon bu ka kasar.

GALAASIA 6:17

Pa pëtuamës, ñaan tsë cokin uwaas; par man tsij ngëlu Yeesu tsi uliaf nji.

2 TIMOTEU 2:18

bu pën tsi ucär. Par bë ci tsi puu ja, kanatsee-di-pëcäts apar ba. Unk, a bu kë cok balon uwak.

1 JOŊ 2:26

Man picari ind ngëko ngi, uleka ba n ja bukunk ba roon bu ka ŋal puu fal ind.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

2 JOŊ 1:10

Uci ñaan bi tsi ind a na tsijatsi bëjukan bi, ind tsë welanul di kato ind; nin ind tsë jaul: “Baandi uwar!”

2 JOŊ 1:7

Par bafalar bacumal agara jëk umundu, ba niiranats biki Yeesu Këristu biini uyamats; namëntsan ci-un nafalar ni na Natsara-kandata.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.

UPIBAN 2:20

Maa, mán leentsaru tsi uleka ko wi: M wët ŋaats ni ka n jaka unk Jesabel, nul na njai bërierul aci nayëlia, a nuu jukan baleemp nji koo fal bukul a bu kë ro ngëko katuk-ufuts, a bu kë re nga n jakana ngi tsi icap.

UPIBAN 2:6

Maa m ka ko wi, pa uwaru: M ŋalats koon këŋal ngi bafets Nikolas kë ro ngi; a te nji buts, nji n ŋalats koon këŋal ngul.

UPIBAN 20:3

Aguts wul di baar-tsëko-unoor, a u ríc bul anuekan tsi ruets wul, pa u rits raac kak ngëcaak tsi kafal, aa ngëwaanu umiil (1.000) ngun ka tsënkëna ka ba. Uba ngëwaanu ngëmënts ngun, u ka u roon u wëtanaa pa uwal un dits wi ka jon.