GALAASIA 1:10 - KARÚK-PËRIM KAWALU Nouveau Testament

¹⁰ Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

GALAASIA 1:10 ပူးပေါင်းရင်းမြစ်များ

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MATEU 28:14

A uci na tsijëna-ucaak bi te ko wan, wund ka ñakan ni nul te në niiran, din wund ka randan ind unoor.”

MATEU 6:24

Kaats ñaan nan yëlani pëleempar bawiak batëb. Par, na ro ank ba, në ka ni nu bëri, në ŋal nacints; oo në mob tsi nalon, në be nacints. Nda yëlants pëleempar Nasien-batsi, ndë tankëlaand pëleempar Bëka.

NGËRO 12:20

Eroodis ro riabatsar mak ni bañaan Tiiru, ni biki Sidon. Maa, ba baar pëloole, pii bi tsi nul. A ba kaaya Bëlaastu, nan ci naleemp di kato nasien, a ba ñaan Eroodis ba ro pëfac, par pëboos bukul ka yankëna ngëko bariala di pëboos nasien.

NGËRO 5:29

Din, a Per ni bacintsul bapostolu yankës aja: “Nasien-batsi ka un pëcikëndënaa, tsi pëjaa pëcikëndën bañaan-bajin.

ROOMA 1:1

Pol, naleemp Këristu Yeesu, nanduuree pëci Napostolu, a na patsandara pëleents Upetsan-uwar Nasien-batsi.

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 10:33

Unk nji buts, ma nja n doon ka tsas pëlilan bañaan ngëwaas bëlieng, tsi ko un ci wi-ba këci. In di ka n tsas uwar pa nji bërierin, maa mán tsas uwar pa bacumal, pa ba yëlan pëbuer.

2 KORINTU 12:19

Nda jon tsi pëwejats koo ja, wund aŋal pënatsar iyeen wund tsi bërun ind. Wund ka ñakan tsi uŋal Këristu tsi bërun Nasien-batsi. A ngan bëlieng, aci pa pëliincan ind, ind ba ŋala biki.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

KOLOS 3:22

Ind baluek, nda fetsan përim bajug ind tsi utsia tsi, tsi ko un ci wi-ba këci. Cits rin tsi uwal wi ba tsuuna ind wi këkës, pi nduu tsas bukul pëlilandër ind, maa nda roan ank ni ngëwaas ngan fac ngi, ni urispiitu, pa Ajug.

1 TESALONIKA 2:4

Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.

JAKOB 4:4

Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

1 JOŊ 3:9

Ñaan nan bukee ba këbuka tsi Nasien-batsi, di ka mob tsi përo ujuban, par pëcapi Nasien-batsi amob tsi pëci di nul; di ka yëlan pëci tsi ujuban, par abëka tsi Nasien-batsi.