FILIIPUS 4:19 - KARÚK-PËRIM KAWALU Nouveau Testament

¹⁹ Nasien-batsi nji, ka roor ind ngëfier ind bëlieng, bi bëka përëmbul ci bi tsi Këristu Yeesu.

FILIIPUS 4:19 ပူးပေါင်းရင်းမြစ်များ

MATEU 6:32

Par, ngëmënts ngan bëlieng, aci ban cits biki Bajudeu, ja bukun ba roon bu kë tsas ngul. Ngëmënts ngan bëlieng, Asin ind ame nda fier ngul.

KAKÚRAN-KAWAR YEESU KRISTU BI JOŊ LEENŢ BI KUL AJA 20:17

A Yeesu jaul: “tsë kërarain, par nji n netse n paya di Asin nji. Maa tsëpan di ban tsaar biki ni nji, kë ja bukul, mán paya di Asin nji, nul Asin ind, di Nasien-batsi nji, nul Nasien-batsi ind.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:27

Din a na ja Tomaas: “Baandani pëkuanju tsi, kë teen iñan nji; baandani kañanu kë tsu tsi katiañ nji. cäts ci narika-wak, maa ciin nawak.”

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

ROOMA 11:33

Oo uwandar bëka Nasien-batsi, ni kamekoul, ni umeul! Ngi na baaraan ngi, ko wi nga yëlanaatsa wi pëteena pëjuŋaman! A igaul, ko wi i yëlaatsa wi pëmea ko wi i pac wi!

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

ROOMA 8:18

Nji man wejats a nja, ngënoor uwal inkri wi di ka jaaka ni përëmb pi kee pibana pi tsi nja.

ROOMA 9:23

pa në tsu buts bañaan, bu ka me përëmb pan ci pi di përëmbul, tsi biki na yëkar biki ipës, a na yecis bukul ki këlum pa përëmb,

2 KORINTU 12:21

Man lënkar ubi nji bëyaas bëcints, Nasien-batsi nji përits kawaranin tsi pëncuaf ind ka ci tsi pëkaanar bacumal ban juban biki ki këlum a bë yaarats ibats tsi ngi ba ro ngi: ngëko ngëtsopal, katuk-ufuts, pëwëtandar tsi ngëko katuk-ufuts.

2 KORINTU 4:17

Par unoor nja urafal inkri, ka tsiji nja përëmb pa n jaakaatsa pi, pan dits pi ka ba; pan pe pi unoor inja.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

FILIIPUS 4:7

Unk, pëfac Nasien-batsi, pul pan pe pi ko un yëlan wi pëmeaa, pë gaang ngëwaas ind ni ngëwejats ind tsi Këristu Yeesu.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

1 TIMOTEU 6:17

Tsuun barëmb umundu wi përits guukandër, ni përits tsu uwats bukul tsi bëka ban dits bi ka fiaara; maa ba tsuun uwats bukul tsi Nasien-batsi, nul na njai na roon nuu wël nja ngë ko bëlieng, ngan kës ngi, pa n ja pëlilanaan.

FILEMON 1:4

Ma n ja n doon koo baran Nasien-batsi nji, tsi ngëwal bëlieng, bi n du n lesu bi tsi bëñaan nji.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.