FILIIPUS 3:17 - KARÚK-PËRIM KAWALU Nouveau Testament

¹⁷ Batsaar ni nji, nda ciin bateenënin; nda mabani këkës tsi biki ka yandaar biki bi wund piban ind bi!

FILIIPUS 3:17 ပူးပေါင်းရင်းမြစ်များ

ROOMA 16:17

Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,

1 KORINTU 10:32

Ind tsë ci ko wi kan tsu wi Najudeu na yër, nin nagërek, nin Ngëriisia Nasien-batsi.

1 KORINTU 11:1

Nda ciin bateenënin, bi n ci bi nateenëna Këristu.

1 KORINTU 4:16

Wul ka wun ndu n tseend ind ibats koo nja ind, nda ciin bateenënin.

FILIIPUS 4:9

Ko wi nda juk wi ba këjuk tsi nji, wi nda yank wi tsi nji, wi nda te wi tsi nji, wi nda win wi tsi nji, nda roan wul. Din Nasien-batsi, kankaana pëfac, ka ci ni ind.

1 TESALONIKA 1:6

Nda ruka ci bateenëna tsi wund ni bateenëna tsi Ajug. Par, ŋal bi nda ci bi tsi unoor un pelëk wi, maa ni ulílan Uwejats-ujënts nda niiran përim.

2 TESALONIKA 3:14

Uci ñaan fetsats përim pi wund ja pi tsi uletar wi, nda markaariul; ind tsë bof ko ni nul, pa në kawa.

2 TESALONIKA 3:7

Ind bërier ind, nda me bi nda ka bi puu teenëna tsi wund. Par, uwal wi wund ro wunk ci tsi pëncuaf ind, wund cits ni ubiira katsuunk-uleemp.

2 TESALONIKA 3:9

A te cits pëjaa wund kaats këka përolaa unk, maa aci wund bërier wund pëci uteenëni wi nduu fets wi.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

1 PER 5:3

Biki nda tanan biki, ind tsë roona uyëlan; maa nda ciin biki ngënkaanel kë teenëna biki.