FILIIPUS 3:15 - KARÚK-PËRIM KAWALU Nouveau Testament

¹⁵ Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

FILIIPUS 3:15 ပူးပေါင်းရင်းမြစ်များ

MATEU 5:48

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

LÚKAS 11:13

Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:45

Iink ri u picana run di ulibëru bayëlia: ‘Bu ka ci bëlieng biki Nasien-batsi jukan biki.’ Wul ka wun, ñaan nan cikëndëni Asin nji, a na niiran bëjukanul, ka bi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

ROOMA 15:1

Nja ban ci biki baliincal, ngë ka puu miira ban daf bukunk, tsi bërafal bukul, nja ka wët puu ro u líl nja wi.

1 KORINTU 14:20

Batsaar ni nji, ind tsë ci upäts tsi uwejats; nda ciin upäts tsi u waraatsa wi, maa tsi uwejats, nda ciin bajëŋal.

1 KORINTU 2:6

Ucar, wund ka ñakanaan kameko tsi bajëŋal, maa cits kameko umundu wi, nin cits kameko babuk basien umundu wi, ki kan ba ki.

GALAASIA 5:10

Nji man fiaar ind tsi Ajug, a me nda ri ka tsij nin ulon uwejats; maa ñaan nan ci tsi pëcok ind ngëwaas, al në rúra ci yën, në lacanaa.

EFEESU 1:17

Nasien-batsi Yeesu Këristu Ajug nja nul Asin, nan dëmbanee, na wëlan ind uwejats kameko ni upiban, u tsu ind ndë meul.

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TESALONIKA 4:9

A tsi uleka pëŋalëlar tsi nda tsaar tsi, nda fierats pëpicandara ko, par ind bërier ind Nasien-batsi ajukan ind puu ŋalëlar.

2 TIMOTEU 3:17

Unk, ñaan Nasien-batsi ka yecisa uwar, pa puu ro ko un ci wi-ba këci uwar.

BAYEBËREU 5:14

Maa bariala bëtambal aci pa ban jëŋ biki, ban ja biki ba roon, bu kë ro ko wi ka wakëtsan wi ngëwejats bukul pëpatsës uwar, ni uwutsëtsuel.

1 JOŊ 2:5

Maa, na mobi tsi përimul, tsi ucär, bëŋal Nasien-batsi acum tsi nul. Unk, nja ka me ngë ci tsi Nasien-batsi.