FILIIPUS 3:14 - KARÚK-PËRIM KAWALU Nouveau Testament

¹⁴ Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

FILIIPUS 3:14 ပူးပေါင်းရင်းမြစ်များ

LÚKAS 16:16

Ulua, ni bayëlia, aleentsaa te uwal Joŋ. Pëpën tsi uwal umënts wun te inkri, Upetsan-uwar pësien Nasien-batsi ci tsi pëleentsaa, a uja nandooni në tambandar mak, pa pëniaj tsi pul.

ROOMA 11:29

Par ngëtseend Nasien-batsi ni karuaul, di ka gara.

1 KORINTU 9:24

Nda meets biki kan túk biki di unkampu ja ba roon bu kë túk bëlieng, maa naloole rin ka yank un bëluk a? Nda túkan bi u ka bi pëtukaa pa pëtsënkan bul.

2 KORINTU 4:17

Par unoor nja urafal inkri, ka tsiji nja përëmb pa n jaakaatsa pi, pan dits pi ka ba; pan pe pi unoor inja.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

KOLOS 2:18

Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

1 TESALONIKA 2:12

A wund ci tsi pëtseend ind ibats, ni pëliinc-liincan ind ngëwaas, ni pëja ind nda yandaari bëyandaar ba mab bi tsi Nasien-batsi, nul nanduuri indi pësienul ni përëmbul.

2 TIMOTEU 1:9

nul nan buerani njai, a na rui nja ni karua kayëman. Cits undo ngi ngë ro ngi, maa aci-undo utsaag wi na tsaag wi bërierul, ni undo bëtseend bi ngë wëla bi tsi Këristu Yeesu, te ngëwal netse ro ci;

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.