FILIIPUS 2:17 - KARÚK-PËRIM KAWALU Nouveau Testament

¹⁷ Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

FILIIPUS 2:17 ပူးပေါင်းရင်းမြစ်များ

NGËRO 20:24

Maa, nji n tsuuts ubiira nji ko un ka wi bëkat, uci pëjaa man túk pëtuk nji uwar, a n do uwar uleemp wi Yeesu, Ajug, wëlin wi përo, nji pëci naleents Upetsan-uwar, uleka bëtseend Nasien-batsi.

NGËRO 21:13

Maa, Pol jankma aja: “We tsu wun a ndu rug, a ndu cokin uwaas? Nji man yecis, cits pëjaa pëtana rin, maa pëcäts di Jerusalem undo katim Yeesu, Ajug.”

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

2 KORINTU 12:15

Nji tsi uŋal nji, man wël bëka nji ni ulílan, a ndu n wël ubiira nji bëlieng pa undo ngëwaas ind. Uci n ŋal ind mak, ka ŋalaa ko uties a?

2 KORINTU 4:12

Unk, pëcäts ka leemp di wund, a ubiira kë leemp di ind.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

FILIIPUS 2:18

Unk, ind buts, nda lílani, ndë juc ni ulílan ni nji.

FILIIPUS 2:30

Par aruka ko uties në cats, undo uleemp Këristu; awaants ubiiraul përo tsi pëlas ind ko wi nda yëlanats wi përoorin bërier ind.

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

1 TESALONIKA 2:8

Tsi kajuab-ngëwaas wund pa ind, wund aro ŋal pëwël ind Upetsan-uwar Nasien-batsi; te cits wul rin, maa buts ngëbiira wund bërier ngul. Par nda ruka ci biki wund ŋal biki mak.

2 TIMOTEU 4:6

Par, pëñaak nji tula pink ba, pi uncaam bëjakan. Uwal nji wi përëta n tsëp aband.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 JOŊ 3:16

Tsi ko wi, tsi ngë meena tsun bëŋal: Këristu awël ubiiraul pa inja; a ngë ka buts pëwël ngëbiira nja pa biki ngë tsaar biki.