FILIIPUS 1:27 - KARÚK-PËRIM KAWALU Nouveau Testament

²⁷ Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

FILIIPUS 1:27 ပူးပေါင်းရင်းမြစ်များ

MATEU 12:25

Maa a Yeesu me ibats bukul, a na ja bukul: “Pëbos pantowsër pi a pu këkam tsi pa ci tsi, di ka toman. A përaasa oo pëbuka pantowsër pi a pu kam tsi ci tsi, ka garsër.

NGËRO 2:46

A ba baar pëloole, uja kara unu bu ka mob tsi pëci di kato-kayëman, bu kë tawës upom di kara kato, bu kë re bariala bukul ni ulílan, ni kajuab-uwaas.

NGËRO 24:24

A u par ngënu, a Felikës ci ni aarul Drusila nan ci Najudeu, a na yël bañaan ba rui Pol; a na cikëndënul tsi uleka uwak tsi Këristu Yeesu.

NGËRO 4:32

A kandënd bañaan ba uwak biki ci uwaas uloole ni uwejats uloole; njn ñaan di ka ja tsi ibatsul, ko ulon tsi bëkaul aci wiicul bërierul; maa bë bofara ngëko bëlieng.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 1:9

Nasien-batsi, nul ni ndu leempari tsi uwejats nji, tsi pëleents Upetsan-uwar Abukul, amaatir bi n wëtaants bi pëles ind

ROOMA 10:8

Maa we wi na ja wun? Aja: “Përim aci tsi kawoku, di mtumu, ni di uwaasu” pëmënts pi aci, përim uwak pi wund ci pi tsi pëleents.

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 15:29

A n me ne, ubi nji pëwin ind, mán cum ni ngëko ngëwar Këristu pëbi.

1 KORINTU 1:10

Man ñaan ind batsaar ni nji, tsi katim Yeesu Këristu Ajug nja pa ind bëlieng puu baar tsi përim pëloole, pa mankicësar përits ci tsi ind; maa nda baari pëci baloole, tsi uwejats uloole, ni tsi utsaag uloole.

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 9:13

Bu ka pikra tsi bëkat uleemp wi, bacumal ka bundan Nasien-batsi tsi bi nda niiran bi pëpiban ko wi nda ci wi undo Upetsan-uwar Këristu; ni bi ndu wël bi ni ngëwaas ngan fac ngi, tsi bi ndu faar bi ngëko ni bukul ni bañaan bëlieng.

GALAASIA 1:7

Wul cits ulon Upetsan-uwar, maa, aka balon bañaan ban ci biki tsi pëlënkan ind, a ba ŋal pëcík Upetsan-uwar Këristu.

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 1:15

Wul ka wun, nji buts, uwal wi n te wi bañaan kë ñakanaan uleka uwak ind tsi Yeesu Ajug, ni bëŋal bi nda ka bi pa bayëmanul bëlieng,

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

FILIIPUS 1:5

undo nda bof tsi uleemp Upetsan-uwar, ki unu ucak te inkri.

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

FILIIPUS 2:24

Te tsi Ajug, man wak koon ndu n bi bërierin, tsi ko un car wi.

FILIIPUS 3:18

Par, bi ndo bunk leents ind ngëyaas ngëcumal, a nji ka n leents ind ink kak ni mŋand, bacumal aci tsi pëyandaar pi bë ci bañaas kruus Këristu.

FILIIPUS 3:20

Maa use nja aci di batsi. A ngë ruka ci tsi pëlip Nabueran, un ci wi Yeesu Këristu, Ajug, na pëni rul

FILIIPUS 4:1

Wul ka wun, batsaar ni nji, ind biki n ŋal biki a n dí pëwin ind, ind ban ci biki ulílan nji, ni ucape nji wi pësien, nda moban unk nda liincan tsi Ajug, ind ba ŋala biki!

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 1:4

Par wund ate uleka uwak ind tsi Këristu Yeesu, ni bëŋal bi nda ŋal bi bayëman bëlieng.

1 TESALONIKA 3:6

Maa Timoteu ru baandi iink tsi wund, apëni di ind. Atsiji upetsan uwar tsi uleka uwak ind ni bëŋal ind. A na jaand nda ci tsi pëles wund uwar, ngëwal bëlieng, a nda rí pëwin wund, bi wund rí bi buts pëwin ind.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

1 TIMOTEU 1:11

Ci wun ko u yuk wi ni Upetsan-uwar përëmb Nasien-batsi, nul nanaakal; wul wi n tergaara wun.

1 TIMOTEU 1:19

kë moband tsi uwak, ni tsi uwejats un fac wi. Uwejats umënts wun, balon awëtan wul, din a ba niaman uwak.

2 TIMOTEU 4:7

Man kaman ukam u wara wi, man túk aa n ba pëtúk, man mob tsi uwak.

TIITU 2:10

ban dits biki ka jej ko wi ba wëlaatsa wi. Maa ba pibani ba ci ban fiaara biki uwar. Unk, tsi ko un ci wi-ba këci, bu kë piban uwarara bëjukan Nasien-batsi, Nabueran inja.

FILEMON 1:5

Par, ma nja n doon koo te uleka uwak wi m ka wi tsi Yeesu, Ajug, ni bëŋalu pa bayëman bëlieng.

JAKOB 3:18

Batsas pëfac pa ci, bu ka ro ngëko bëmabal tsi pëfac.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.