EFEESU 6:20 - KARÚK-PËRIM KAWALU Nouveau Testament

²⁰ wi n ci wi naciir wul tsi përica; pa tsi wul, nji pëyeents pëñakan bi n ka bi pëñakan.

EFEESU 6:20 ပူးပေါင်းရင်းမြစ်များ

NGËRO 21:33

A nawiak basondaari bi ee mobël a na tsu basondaari ba tanul ni mkorente ngëyaas ngëtëb, a na yeparul ni na ci, ni ko wi na ro wi ro.

NGËRO 26:29

A Pol jaul: “U jonats uu, u jon uu, man ñaan Nasien-batsi, cits pa wi rin, maa pa biki kan cikëndënin bikink bëlieng ntsari, pa nda ci pi nji, ucits ba ni mkorante mi.”

NGËRO 28:20

Wul ka wun dui ind, pa pëwin ind, ka leents ind. Par aci-undo uwats Israel ka wun n tanaa ni mkorante.”

NGËRO 28:31

Ni bëyeentsal bëlieng, a nuu leents uleka Pësien Nasien-batsi, a nuu jukan ngi Yeesu Këristu, Ajug, te laaŋaatsa përo ank.

NGËRO 5:29

Din, a Per ni bacintsul bapostolu yankës aja: “Nasien-batsi ka un pëcikëndënaa, tsi pëjaa pëcikëndën bañaan-bajin.

2 KORINTU 3:12

A bi wund ka bi uwats wan, wund ka roona bëyeentsal;

2 KORINTU 5:20

Bi u ci bank, wund aci baciir Këristu, a wund biki Nasien-batsi ruuni ind bukun. tsi katim Këristu, wund abuara ind nda teelari ni Nasien-batsi.

EFEESU 3:1

Wul ka wun, nji Pol, nan ci narica tsi Yeesu Këristu pa ind ban cits biki Bajudeu,

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

EFEESU 6:19

Nda ñaanarin buts, pa përim pëwëlain uwal wi ndu n waaban wi mtum, pa pëpiban tsi bëyeentsal undoots wi mea tsi Upetsan-uwar,

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

KOLOS 4:4

Nda ñaanan nji pëtsu bañaan ba me wul, bi n ka bi ndoon ka ñakan.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

2 TIMOTEU 1:16

Ajug na yëkari bañaan kato Onesiforu ipës. Par, arëmb puu juabutsanin uwaas, a te kawaraatsa bi n dica bink;

2 TIMOTEU 2:9

a n ci tsi unoor undo wul, aa n tsënkëne n tanaa mkorente, pi naro-ngëko-kawaraatsa. Maa përim Nasien-batsi tanaatsa.

FILEMON 1:10

man ñaanu këñaan pa napäts nji, Oneesimu, ni n dukee n buk tsi mdica mi n dica mi.

FILEMON 1:9

nji man ñaanu këñaan, tsi undo bëŋal. Nji Pol, bi n ci bink natsafal, a n ciind inkri narica, undo Këristu Yeesu,

1 JOŊ 3:16

Tsi ko wi, tsi ngë meena tsun bëŋal: Këristu awël ubiiraul pa inja; a ngë ka buts pëwël ngëbiira nja pa biki ngë tsaar biki.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.