EFEESU 6:19 - KARÚK-PËRIM KAWALU Nouveau Testament

¹⁹ Nda ñaanarin buts, pa përim pëwëlain uwal wi ndu n waaban wi mtum, pa pëpiban tsi bëyeentsal undoots wi mea tsi Upetsan-uwar,

EFEESU 6:19 ပူးပေါင်းရင်းမြစ်များ

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

NGËRO 18:26

Apolos kur pëñakan ni bëyeentsal di kato-kajuki. Maa, Priskila ni Akiilas kë teul, ba tsëpandul kato bukul; a ba pe pëjëntsan pëleentsul bëga Nasien-batsi uwar.

NGËRO 19:8

A Pol ro këlí këwaants, nuu niaj kato-kajuki koo ñakan ni bëyeentsal, bu kë totëlar irim; a nuu këmand pëtsu bukul ba niiran uleka Pësien Nasien-batsi.

NGËRO 2:4

A ba cum bëlieng Uwejats-ujënts, a ba ci tsi pëñakan mlon mleents, bi Uwejats tsu bi bukul pëyëlan pë ñakan.

NGËRO 28:31

Ni bëyeentsal bëlieng, a nuu leents uleka Pësien Nasien-batsi, a nuu jukan ngi Yeesu Këristu, Ajug, te laaŋaatsa përo ank.

NGËRO 4:13

Bi ba win bi bërëdëm Per ni Joŋ, din a ba pikra, par bë win ba ci bañaan ban jukats biki, te bë kaats ume. A ba yëkëran bukul, par bë ro ci ni Yeesu.

NGËRO 4:29

A inkri Ajug, cikëndëni-e bi bu kë píc bi; tsuun baleempu ba leents përimu ni bëyeentsal,

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 9:27

Maa, Barnabas mobul atsëpand di bapostolu, a na leents bukul bi Sol win bi Ajug di bëga, a Ajug ñakanaanul, ni bi na leents bi përim di Damaasku ni bëyeentsal, tsi katim Yeesu.

NGËRO 9:29

Ka ñakan ni Bagërek, a nuu totëlar irim ni bukul, maa bu kë tsas pëfiŋul.

ROOMA 15:30

Batsaar ni nji, man buara ind tsi Ajug nja Yeesu Këristu, ni tsi bëŋal Uwejats Nasien-batsi, pa nda kaman ni nji tsi bëñaan bi ind kë ñaan bi ba këñaan Nasien-batsi, pa nji;

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

1 KORINTU 1:5

Par tsi nul, a ngë rëmbana tsi ngëko bëlieng; tsi irim in ci ba këci, ni tsi ume un ci wi-ba këci.

1 KORINTU 2:7

Maa, wund añakanaan kameko Nasien-batsi kan doots ki mea, a ka beka, ki Nasien-batsi rat ki pa përëmb nja ki umundu netse ki leempa.

1 KORINTU 4:1

Unk, bañaan aka pëtsu nja pëci baleemp Këristu, ni pëci ban gaangana biki ngi Nasien-batsi ngandoots ngi meaa.

2 KORINTU 1:11

Ind buts nda tsënk wund ni bëñaan ind, unk bëtseend bi wund kë ka bi tsi bañaan bacumal biki ka ñaanar wund biki, ka ruka ci kabaran Nasien-batsi mak tsi undo wund.

2 KORINTU 3:12

A bi wund ka bi uwats wan, wund ka roona bëyeentsal;

2 KORINTU 6:11

Ind Bakorintu, wund aleents ind ajëntsan; ngëwaas wund awaantsa mak pa ind.

2 KORINTU 7:4

Man ka uwats mak tsi ind, upícëni nji mak, aci ind. tsi unoor wund bëlieng, uwaas nji juabuts mak, acum ni ulílan a n par-paran.

2 KORINTU 8:7

A bi nda ka bunk ngëko bëlieng apelëkan, un ci wi uwak, kayël-uñakan, kameko, kamob tsi ucär, ni bëŋal bi nda yank bi di wund, nda cuman buts ni kajuab-ngëwaas tsi bëtseend bëmënts bi.

EFEESU 1:9

Nul tsu nja un pëme un doots wi mea, wi bëŋalul, bi u ci bi tsi ko uwar wi na ŋal wi u ci, a na tsu wul tsi Këristu;

EFEESU 3:9

ni pëpiban ko un ci wi uleemp undoots wi mea, a tsi ngëwal bëlieng u beka tsi Nasien-batsi nul na leempi ngëko bëlieng.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TESALONIKA 5:25

Batsaar ni wund, nda ñaandëri wund.

2 TESALONIKA 3:1

Pëtuamës, ind batsaar ni wund, nda ñaandëri wund pa përim Ajug pëmob tsi pëya bërun, puu rëmbana, bi u ci bunk tsi pëncuaf ind.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

FILEMON 1:22

Paarirarin buts pëfër pëtsooŋatsaani, par undo buñaan ind, man wak ndu n kakana ind.

BAYEBËREU 13:18

Nda ñaandëri wund, par wund afiaar koon ume-kabats wund jënts, a uŋal wund ci wund puu ro uwar tsi ngëko bëlieng.