EFEESU 6:11 - KARÚK-PËRIM KAWALU Nouveau Testament

¹¹ Nda waan iŋi Nasien-batsi bëlieng ikamanaani, pa ind pëyëlan pënats uwar tsi igungan Ujabël.

EFEESU 6:11 ပူးပေါင်းရင်းမြစ်များ

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

ROOMA 13:12

Bërëm aruka tsëp ba, a pënak ka bi pink. Nda ju ngë wëtan ngëko ngi kandola ngi tsi karëm; nda ju ngë tiema iŋi ufac ikamanaani.

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

1 KORINTU 10:13

Mteen-teenana di ka baandë-ni ind, ucits ba mi kan baandë-ni mi bañaan-bajin; maa Nasien-batsi aci na mobi tsi përim, a di ka niiran ind pëteen-teenana pëpean ko wi nda yëlan wi. Maa tsi uwal mteen-teenana, në wël buts bëga bëbuërëni, pa ind pëyëlan mul.

2 KORINTU 10:4

Par iŋi i wund kë kamanaan yi, cits i uyamats; maa pëyëlan yul apënë-ni tsi Nasien-batsi, pa pëcok ilënk-iwaayaraani. Wund ka gar-garan ngëtsaag ngan cits ngi ngëcar,

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 2:11

pa n ja tsë ci biki Ujabël kë fal biki, par ngë paaŋats ngëwejats wul.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 6:7

ni tsi përim ucär, ni tsi pëyëlan Nasien-batsi, ni tsi wund pëtsij ikamanaani tsi bëmabal, puu jotëna ukam ni puu waayaraan;

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

EFEESU 4:24

ni ind pëwaa ñaan nawalu na leempee tsi uŋal Nasien-batsi tsi bëmabal ni uyëman, ngan pënë-ni ngi tsi ucär.

EFEESU 6:13

Inkri nda jejan iŋi Nasien-batsi bëlieng, ikamanaani; pa ind pëtambandar tsi pëpokëna tsi ngënu nga waraatsa ngi, ni pëci ba nats biki uwar uwal wi nda ba wi përo ngëko bëlieng.

KOLOS 3:10

a nda tiema bëci buwalu, bul ba n ja bi ba roon, buu witsa buwalu tsi bënaam na leempi bul, pa pëka ume.

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

JAKOB 4:7

Bi u ci bank, nda baari ibats ind tsi Nasien-batsi; nda liincandari tsi pëpok Ujabël, din u túk u lawan ind.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 2:24

Maa ind di Tiatiira, ind bëlieng ban duka bukunk, ban fetsats biki bëjukan bumënts bun a nda meets ngi bu kë ja ngi, ngëwandal Useetaani, ma n ja ind: In di ka n tsu ind pëlon pëyunts.