EFEESU 5:27 - KARÚK-PËRIM KAWALU Nouveau Testament

²⁷ pa nul pëpiban tsi bërunul bërierul Ngëriisia ngan bëndana ngi, ngan kaats ngi ujink, nin urotsar, nin ko ulon unaam wi ni ngëmënts ngi; maa Ngëriisia nga yëman ngi, ngan kaats ngi ulaci.

EFEESU 5:27 ပူးပေါင်းရင်းမြစ်များ

2 KORINTU 11:2

Par pëlaaŋaraan pi n laaŋaraan ind pi apënë-ni di Nasien-batsi. Par man cueban ind ayën ind naloole, un ci wi Këristu; pi nampëli na meetsi niints najënts.

2 KORINTU 4:14

Par wund ame, na natsani unk Yeesu Ajug di pëcäts, kee natsani wund un buts ni Yeesu; në tsu wund ni ind tsi bërunul.

EFEESU 1:4

Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

KOLOS 1:22

Maa inkri, atsu ind a nda teelar tsi uliaf Këristu wi uyamats; aparanaan tsi pëcäts, pa pëtsu ind ndë ci bayëman tsi bërunul, bakaats ujink, bakaats ulaci.

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

1 PER 1:19

maa aci pëñaak Këristu pëñatsal, pi pëñaak unkaanel un kaats wi basal, a kaats mtsopi.

2 PER 3:14

Wul ka wun, bamiñ ba ŋala biki, bi nda ci bink tsi pëlip ngëko ngëmënts ngi, nda tambandari pa nul pëwin nda ci tsi pëfac, nda rits ka basal, ndë ci ban dits biki ka leentsara.

JÚDAS 1:21

Nda tambandari pëci tsi bëŋal Nasien-batsi, ndë ci tsi pëlip kayëk-ipës Yeesu Këristu, Ajug nja pa ubiira un dits wi ka ba.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 14:4

Bamënts biki, bë ci ban tsopandarats biki ni bakaats, par bu meets ŋaats. Bukul ci bukun bafets Ubuk-unkaanel, tsi uu ya tsi ba këya. Bukul bu weelee tsi pëncuaf bañaan pa ba ci ngëtseend-ngëcak pa Nasien-batsi, ni Ubuk-unkaanel.