EFEESU 5:20 - KARÚK-PËRIM KAWALU Nouveau Testament

²⁰ nda ru kë ja Nasien-batsi, nul nan ci Asin, baran tsi ngëko bëlieng tsi katim Yeesu Këristu Ajug nja.

EFEESU 5:20 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 15:16

Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

1 KORINTU 1:4

Ma n ja n doon koo baran Nasien-batsi sandëndën tsi uleka ind, undo bëtseendul bi na wël ind bi tsi Këristu Yeesu.

1 KORINTU 15:24

Din, utuami ka baandi, wi nu wël wi Nasien-batsi pësien, nul Asin; wi nu ba wi ni msien man ci mi ba këci, ni uyëlan, ni pëyëlan pan ci ba këci.

EFEESU 5:4

Irim i waraatsa yi buts, ni ngëñakan bëfuur oo ngan waraatsa ngi, ngëmënts ngan yukats; maa, u yuk wi aci puu baran Nasien-batsi.

FILIIPUS 1:3

Ma n ja n doon ka baran Nasien-batsi nji, kara bëyaas bi n les ind bi.

FILIIPUS 4:6

Ind tsë lënkar ko; maa tsi ko un ci wi-ba këci, ndë ja tsi bëñaan ni tsi pëbuara, ni pëbaranaand, ndë yep Nasien-batsi ngi nda fier ngi.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

1 TESALONIKA 3:9

Par, pëom pëbaran pi wund yëlan pun pëbaran Nasien-batsi tsi uleka ind, pa ulílan bëlieng wi wund lílan wi tsi undo ind, tsi bërun Nasien-batsi inja?

1 TESALONIKA 5:18

Nda barani tsi ko un ci wi-ba këci, par umënts wun aci uŋal Nasien-batsi pa ind, tsi Këristu Yeesu.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

BAYEBËREU 13:15

Unk, tsi Yeesu, nda ju ngë mob tsi pëwël Nasien-batsi bëjakan ban ci bi ubëndan, un ci wi, ko wi itum kë pets wi tsi uleka katimul.

1 PER 2:5

Ind bërier ind, nda ci pi ilaak i tsij yi ubiira, a nda leempaa kato Uwejats Nasien-batsi pa ind pëci bëjúk bajakan bëyëman, pa puu wël ijakan Uwejats Nasien-batsi, i Nasien-batsi kë lílandër yi tsi Yeesu Këristu.

1 PER 4:11

Uci ñaan kë ñakan, na ñakani pi aci irim Nasien-batsi i nu leents yun; a uci ñaan kë ro uleemp, na roan uleemp ni uyëlan wi Nasien-batsi wëlul wi, pa Nasien-batsi përëmbana tsi Yeesu Këristu tsi ngëko bëlieng, nul nan kai përëmb ni pëyëlan pa sandëndën. Ameen!