EFEESU 5:2 - KARÚK-PËRIM KAWALU Nouveau Testament

² nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

EFEESU 5:2 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:34

Mán wël ind utsua uwalu: Nda ŋalëlari; bi n ŋal ind bunk, nda ŋalëlari buts.

KAKÚRAN-KAWAR YEESU KRISTU BI JOŊ LEENŢ BI KUL AJA 6:51

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 4:25

nul na wëlee undo ngëjuban nja a na natsee di pëcäts undo n ja pëtsua bamabal.

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

ROOMA 8:37

Maa tsi ngëmënts ngan bëlieng, ngë par pëjaa ngë ka kape, tsi na ŋal njai.

1 KORINTU 16:14

Ngëko ngi nduu ro ngi bëlieng, nga rolaan ni bëŋal.

1 KORINTU 5:7

Nda gutsari bëko-bëlëtsatsaani bëjon bun utsand, pa ndë ci ifar iwalu, bi nda tsijats bink bëko-bëlëtsatsaani. Par Këristu, nul unkaanel nja wi Ufesta-pëbuer, ajakana ba pa nja.

2 KORINTU 2:14

Maa Nasien-batsi na baranaan, nul nan tsunjai a ngë kuk tsi Këristu pa sandëndën; a tsi nja na tsu Këristu na meaa tsi tsëko tsan ci tsi ba këci, pi pëñal ulicar garandar pun.

2 KORINTU 2:15

Par tsi Nasien-batsi, ngë ci pëñal Këristu pëlílal; uci ank ban ci biki tsi pëbuer, ŋal ban ci biki tsi pëniam.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

EFEESU 1:4

Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

EFEESU 3:19

ni pëme bëŋal Këristu ban par bi ume un ciwi-ba këci, pa ind pëwëla nda kësan te ndë cum Nasien-batsi.

EFEESU 4:15

Uwal wi nja kë leents wi ucär tsi bëŋal, nja kë wiaka tsi ngëko bëlieng, tsi nul Këristu nan ci been;

EFEESU 4:2

ni kawelan-iyeen ind bëlieng ni kajuab-ngëwaas, ni umiira. Nda ru kë míirëlar tsi nda ci tsi ni bëŋal,

EFEESU 5:15

Wul ka wun, nda roon bëtsaag tsi bëyandaar ind, ind tsë ci bafuur; maa nda ciin bameko.

EFEESU 5:25

Ind bayënts, nan ci, na ŋalan aarul bi Këristu ŋal bunk Ngëriisia, a na wël ubiiraul bërierul pa ngul;

FILIIPUS 4:18

Man yank ngëko bëlieng a n kësan, a n par-paran. Man cumana ngi n fier ngi, bi Epafëroditu wëlin bink ngi nda wëliin ngi. Ngul, aci pi ulicar u líl wi pëñal, bëjakan ba niiranaa bi, ba líl bi Nasien-batsi.

KOLOS 3:14

A tsi ruets ngëmënts ngan bëlieng, nda tiemaan bëŋal, un ci wi, ko wi ka mobulan wi ngul bëlieng tsi pëba pëwara.

1 TESALONIKA 4:9

A tsi uleka pëŋalëlar tsi nda tsaar tsi, nda fierats pëpicandara ko, par ind bërier ind Nasien-batsi ajukan ind puu ŋalëlar.

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 8:3

Nan pei pëci nawiak-bajakan nan ci ba këci, atsua puu wël ngëtseend ni ijakan. Unk, namëntsi buts, aka pëka ko wi nu wël wi.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

BAYEBËREU 9:23

Bi u ci bank, aro fiera u roon, ijakan imënts yun ka jëntsan ngënaamanaani ngëko ngan ci ngi di batsi; maa ngëko batsi bërier ngul, ijakan in pe yi imënts yun pëwara ka jëntsan yun ngul.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

1 PER 4:8

A tsi ruets ngëko ngan bëlieng, nda tambandari bërier ind pëŋalëlar, par bëŋal ka kund ngëjuban ngëcumal mak.

1 JOŊ 3:16

Tsi ko wi, tsi ngë meena tsun bëŋal: Këristu awël ubiiraul pa inja; a ngë ka buts pëwël ngëbiira nja pa biki ngë tsaar biki.

1 JOŊ 3:23

A utsuaul ci wun wi: n ja pëwak tsi katim Abukul Yeesu Këristu, nja ka ŋalëlar tsi ngë ci tsi, bi na tsu bi di utsua.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.