EFEESU 5:19 - KARÚK-PËRIM KAWALU Nouveau Testament

¹⁹ Nda ru kë jaalar irim tsi uya ubëndan, ni uya ubaran, ni iya tsi Uwejats-ujënts. Nda ru kë ya, nduu bëndan Ajug tsi ngëwaas ind bëlieng;

EFEESU 5:19 ပူးပေါင်းရင်းမြစ်များ

MATEU 15:8

‘Bañaan biki ka bëndanin ni iruj, maa ngëwaas bukul alawanin.

MATEU 26:30

Bi ba ba bi pëya uya-ubëndan, a ba pën atsëp untunda Mëoliwa.

NGËRO 16:25

A uu wokan myëŋ ucaak, Pol ni Silas kë ñaan, a bu kë ya koo bëndan Nasien-batsi, a barica bacints bukun kë cikëndën bukul.

1 KORINTU 14:15

Wee ndu ndo wun inkri? Mán ñaan tsi uwejats, maa mán ñaan buts tsi ume; mán ya tsi uwejats, maa mán ya buts tsi ume.

1 KORINTU 14:26

Bi u ci bank batsaar ni nji, we ka rolaa wun? Uwal wi nda júk wi tsëloole, nalon ka ka kaya, nacints ka ka ko wi nu jukan wi, nalon ka ka upiban, nacints ka ka mleents ngëtsooŋ, nalon kak ka ka puu pac irim. Ko wan bëlieng u rolaan pa pënatsan Ngëriisia.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

JAKOB 5:13

Nalon tsi ind aci tsi unoor-a? Na ñaanan. Aka nan ci tsi ulílan-a? Na yaan uya-ubëndan.

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.