EFEESU 4:22 - KARÚK-PËRIM KAWALU Nouveau Testament

²² bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

EFEESU 4:22 ပူးပေါင်းရင်းမြစ်များ

ROOMA 6:6

A ko wi, wi ngë ka wun pëme: Bëci nja bëjon arieŋa di kruus ni Këristu, pa uliaf ujuban pëcoka, unk ngë katse ka ci baluek ujuban;

ROOMA 7:11

Par ujuban amobaraana utsua, a u falin; a tsi wul, u fiŋin.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

GALAASIA 1:13

Par nda te ngi ndo ngi ka ro uwal ujon, bi do bi ci ri bëga Bajudeu; bi noor-nooran bi Ngëriisia Nasien-batsi, a n dë tsas pëba ni ngul.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

EFEESU 4:25

Wul ka wun, nda wëtani butsup, ndë ja nan ci nuu ñakanaan acintsul ko un ci wi ucär; par n ja bëlieng ngë ci incimëntsu uliaf uloole.

EFEESU 4:31

Kajuats-uwaas, ni uriab, ni ukulëñ, ni ma njanësar, ni mankarar ni kawaraatsa, ngan bëlieng nga pënanaan tsi ind.

KOLOS 2:11

tsi nul, nda welana kambac ki iñan ñaan welanats ki, ki kan pënan ki bëci uliaf uyamats, kambac ki Këristu welan ki;

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 3:13

Maa kara unu, tsi uwal u yëla wi ba këyëla pëjaa Ntsari, nda liinc-liincandari ngëwaas, pa manfalar ujuban tsë tsu nin nalon tsi ind na liinc been.

JAKOB 1:21

Wul ka wun, nda wëtani ko un tsop wi, ni kabuer kajuats-ngëwaas, ndë mob ni ngëwaas-ngëjuab përim pi nda wëla pi, a pa yëlan pëbueran ind.

JAKOB 1:26

Uci ñaa n ja tsi ibatsul aci nafets-bëga, te di ka mob pëndiamëntul, maa a nuu fal beenul, bëga ñaan namënts un cits koon këci ko.

1 PER 1:18

Nda mean u cits ngëko ngi kan coka ngi, pi uncaam, oo uwëru, ngi Nasien-batsi lukëna ngun pëbuer ind, tsi bëci ind ban katats bi, bi nda yank bi di basin ind;

1 PER 4:3

Par, uwal wi nda paran wi tsi karo uŋal ban cits biki Bajudeu, aliing; bi nda ro bi wëtandar tsi ngëko katúk-ufuts, ni tsi kari-ngëko, ni tsi ukuj, ni tsi buwaamal, ni pëbaar tsi përaan, ni tsi kajintëla-icap kañutsanuel.

2 PER 2:13

Bu ka yank bëluk kamabats tsi ngëko kamabats ngi bu kë ro ngi; bu win u ci ko u líl wi bukul, bukul puu ro ngëko ngëtsopal tsi pënak ndakaŋ. Bë ci mtsopi ni basal, a bu kë lílan tsi manfalar bukul, uwal wi ba tsoar wi kare ufesta ni ind.

2 PER 2:7

A na randan Lot, niints namabal, na njai na roon në juatsan, undo ngëñútsanuel ngi bameets-ngëtsua kë ro ngi.