EFEESU 4:18 - KARÚK-PËRIM KAWALU Nouveau Testament

¹⁸ Bëlipal bukul arëmënts, bëbi bofats tsi ubiira Nasien-batsi undo kameets-ko kan tsu ki bukul kajëŋ-ngëwaas.

EFEESU 4:18 ပူးပေါင်းရင်းမြစ်များ

MATEU 13:15

par ngëwaas bañaan biki, atamb; ibats bukul ka te uwar; bë puman këkës, pa përits win ni këkës bukul, pa përits te ni ibats bukul, pa përits jënts tsi ngëwaas bukul, pa përits witsee tsi nji, ka yësan bukul.’

MARKU 3:5

A Yeesu teen bukul ni uriab, ajëkëlan; na juatsan undo katamb-ngëwaas bukul, na ja niints: “Colani kañan.” A na colan, a kañanul kak ayës.

KAKÚRAN-KAWAR YEESU KRISTU BI JOŊ LEENŢ BI KUL AJA 12:40

“Akuelëtsan këkës bukul, a na tamban ngëwaas bukul, pa ba rits win ni këkës, ba rits me tsi ngëwaas, pa ba rits witsësee, ka yësan bukul.”

NGËRO 17:30

Tsi inkri, Nasien-batsi teenats ka meets ko ija maa inkri, a wël ulai ne bañaan bëlieng kara tsëko ka yaar ibats.

NGËRO 3:17

A inkri, batsaar ni nji, man me nda roona tsi kameets-ko, pi bawiak ind buts.

ROOMA 1:28

A bi ba tsuuts bunk ibats tsi ume Nasien-batsi, Nasien-batsi guts bukul tsi kawejats nga waraatsa ngi, a bu kë ro ngan kaats ngi përolaa.

ROOMA 11:25

Batsaar ni nji, nji n ŋalats ind pëpaaŋ un doots wink mea, pa ind përits tsu iyeen ind pëci bameko: katamb-uwaas abi tsi balon bañaan Israel, te uwal wi ban cits biki Bajudeu niaji wi bëlieng aba.

ROOMA 11:7

We wnja kë ja wun? Ko wi Israel kë tsas wi, tsënkaants pëka wul; maa, ban data biki, bë tsënkan wul, a ban pe biki pëcum tambana ngëwaas,

ROOMA 2:19

wi na watsari pëci bërieru natsëpand bakuel, pëci ufac ban ci biki di karëm;

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

1 KORINTU 2:8

Kameko kamënts ki, nin nalon tsi bajug pëyëlan tsi umundu wi meets kul; par uci ba ro me kul, bu bitse ka ro rieŋ Ajug përëmb di kruus.

2 KORINTU 3:14

Maa ngëwejats bukul atúar. Te unu untsari, aja ngëlibëru Karo-pëloole kajon kë layira, ulec umënts wun ka wama ci, wul pënanaatsa, par tsi Këristu tsi u pënanaana tsun.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

GALAASIA 4:8

Ucäk, bi nda netse bi ro me Nasien-batsi, nda ro ja nda roon dë leempar ngëwejats ngan cits ngi basien-batsi;

EFEESU 2:1

A ind bando biki cats tsi undo ngëlaci ind ni tsi ngëjuban,

EFEESU 2:12

A tsi uwal umënts wun, nda ro ci ban kaats biki Këristu, ban bofanaatsa biki tsi bëjúk Israel, a nda bofanaatsa tsi karo-pëloole tsi ko wi Nasien-batsi watsan wi; nda kaats uwats, nin nda kaats Nasien-batsi tsi umundu.

KOLOS 1:21

A ind, tsi ngëwal ngan par ngi, nda ro lawan Nasien-batsi, a nda ci babër tsi ngëwejats ind, undo ngëko-kawaraatsa ngi nda ro ngi ka ro.

1 TESALONIKA 4:5

Nul tsë ci tsi përi ngëko katúk-ufuts, bi ban cits biki Bajudeu kë ro bi, bukul ba meets biki Nasien-batsi.

BAYEBËREU 5:2

A na yëlan pëyëkar bameets-ko ipës, ni ban ci biki tsi pëniam, par nul buts, bërafal ajëkul.

BAYEBËREU 9:7

Maa pëfër pëcints pun, nan pei pëci nawiak-bajakan, nul baŋ ka niaj undul, uyaas uloole tsi uwaanu; a te cits pëjaa di ka ñaakandar beenul, ka ñaakandar beenul në ñaakandar ngëjuban ngi bañaando ngi tsi kameets.

JAKOB 4:4

Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

1 JOŊ 2:11

Maa, ñaan na ñaasi ni ba tsaari, aci tsi karëm, a nuu yandaar tsi karëm, a meets tsi nuu ya tsi, par karëm akuelëtsanul këkës.