EFEESU 4:14 - KARÚK-PËRIM KAWALU Nouveau Testament

¹⁴ Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

EFEESU 4:14 ပူးပေါင်းရင်းမြစ်များ

MATEU 11:7

Bi bafets Joŋ-namijan witsa bi, a Yeesu jot pëñakanaan bañaan uleka Joŋ, a nuu ja: “Wee nda ya wun pëteen di ulaalats? Pëjaam pi ufuts siints pi-a?

MATEU 24:11

Bayëlia batsup bacumal ka natsa, bu kë fäl bañaan bacumal.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

NGËRO 23:21

Maa, cats fiaar, par tsi ba ci tsi, bu pe bañaan ngëntaaja ngëbaakër, ban baar biki pëloole a ba baajara ngëjuatsal pëbaandë-ni bukul, ni përits re ko, nin përaan, uci ba fiŋatsul; a inkri, yecisër bukunk a bu kë lip ko wi kë ja wi.”

1 KORINTU 12:2

Nda me ne, uwal wi nda roots wunk me Nasien-batsi, a nda ro ja nda roon ndu tsëpanda di icap in dits yi ka ñakan; bi nda ja bi nda roon ndu ŋaayandaa.

1 KORINTU 14:20

Batsaar ni nji, ind tsë ci upäts tsi uwejats; nda ciin upäts tsi u waraatsa wi, maa tsi uwejats, nda ciin bajëŋal.

1 KORINTU 3:19

Par kameko umundu wi aci bëfuur tsi bërun Nasien-batsi, bi u picana bi aja: “Nasien-batsi ka mobuna bameko tsi karo-bëlipal bukul.”

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

GALAASIA 3:1

Cay bañaan Galaasia bafuur! Yën fäl ind un? Ind ban pibana biki tsi këkës ind bi Yeesu Këristu rieŋa bi di kruus.

EFEESU 6:11

Nda waan iŋi Nasien-batsi bëlieng ikamanaani, pa ind pëyëlan pënats uwar tsi igungan Ujabël.

1 TIMOTEU 3:6

Kaats pëci nandu jot pëci nafets Këristu, pa pëlënk pëjaa kee ru gúukandar, u tsuul pëlacana, bi Ujabël lacana bi.

2 TIMOTEU 1:15

Bi m me bunk, ban ciina biki bëlieng Aasia, bu fatsin ufets, ŋal Figeelu, ni Ermoogenes.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

2 TIMOTEU 4:3

Par, uwal ka ci a u baandi, wi bañaan katse wi ka niiran bëjukan bëwar, maa bu koo ro ngi ba ŋal ngi, bu kë cum mak bajukan, biki koo nja biki bukul ngëko ngi ka com ngi bukul ibats.

BAYEBËREU 13:9

Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

JAKOB 1:6

Maa na yepan kul ni uwak, nul tsë tsij ngëwejats ngëtëb; par nan tsiji ngëwejats ngëtëb, aci pi umaroŋ bërëk, wi ufuts ja wi u roon uu siints-siintsan, uu riang wul.

JAKOB 3:4

Nda teenan-e bëntsian buts: Rëmb bunk pi we, a ufuts uwiak kë pamb bul, maa katsooŋ katies mak ka tsëpand kun bul, bi natúkand bul ŋal bi.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

1 JOŊ 2:26

Man picari ind ngëko ngi, uleka ba n ja bukunk ba roon bu ka ŋal puu fal ind.

1 JOŊ 4:1

Bamiñ ba ŋala biki, ind tsë wak uwejats un ci wi-ba këci; maa nda teenamani ngëwejats, ne aci ank ngi Nasien-batsi; par bayëlia batsup bacumal agara jëk umundu.

JÚDAS 1:12

Bañaan bamënts biki bë ci mtsopi tsi ufesta ind wi butsaar. Bu kaats urispiitu uwal wi ba ci wi tsi bariala ni ind. Bu ci bayafan biki ka yafan biki iyeen bukul; a ba ci pi isa in kaats yi mlik, yi ufuts kë tsëpand yi. Bu ci pi mko man bëkats mi tsi uwal mul, a man dëtaa, man cäts ngëyaas ngëtëb.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.