EFEESU 3:8 - KARÚK-PËRIM KAWALU Nouveau Testament

⁸ Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

EFEESU 3:8 ပူးပေါင်းရင်းမြစ်များ

LÚKAS 14:22

Naleemp bi a na ja: ‘Ajug! Ko wi m ja wi u rola, arolaa, a pëlas wama ci.’

KAKÚRAN-KAWAR YEESU KRISTU BI JOŊ LEENŢ BI KUL AJA 1:16

A nja bëlieng buts, tsi përëmbul ngë yank un cum wi, ni bëtseend ba nekëlar bi.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 11:33

Oo uwandar bëka Nasien-batsi, ni kamekoul, ni umeul! Ngi na baaraan ngi, ko wi nga yëlanaatsa wi pëteena pëjuŋaman! A igaul, ko wi i yëlaatsa wi pëmea ko wi i pac wi!

ROOMA 12:10

Nda ŋalëlari di ngëwaas ind ni bëŋal mantsaalar, ndë ja ñaan, në rëmban acintsul.

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 15:9

Par nji man ci nan pei pëtiesëts tsi bapostolu, te nji n tsënkaants pëjaa mandua katim Apostolu, par man noor-nooran Ngëriisia Nasien-batsi.

1 KORINTU 2:9

Maa iink picana run: “Ngëko ngi këkës winats ngi, ngi ibats teets ngi, ngan niajats ngi yaas di ngëwaas bañaan-bajin, ngul ngi Nasien-batsi yecis ngun pa ba ŋalul biki.”

GALAASIA 1:16

pa pëpiban Abukul tsi nji, pa nji pëleents përim ulekaul tsi pëncuaf ban cits biki Bajudeu. Ucar umënts, i yeparats ñaan,

GALAASIA 2:8

par na leemp unk bi Per, a na tsuul pëci Napostolu bawela-kambac, nul leemp un buts bi nji, a na tsuin pëci Napostolu ban cits biki Bajudeu.

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:1

Wul ka wun, nji Pol, nan ci narica tsi Yeesu Këristu pa ind ban cits biki Bajudeu,

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:19

ni pëme bëŋal Këristu ban par bi ume un ciwi-ba këci, pa ind pëwëla nda kësan te ndë cum Nasien-batsi.

EFEESU 3:2

uci nda te pëlesar bëtseend Nasien-batsi bi na wëlin bi pa pëleemp tsi ind,

FILIIPUS 2:3

Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

FILIIPUS 4:19

Nasien-batsi nji, ka roor ind ngëfier ind bëlieng, bi bëka përëmbul ci bi tsi Këristu Yeesu.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

1 TIMOTEU 1:13

nji nandoi ci nakarul, nakaman bafetsul, nacar-uriab. Maa a n yëkara ipës, par mando ka ndoona tsi kameets-ko, tsi kakaats-uwak.

1 TIMOTEU 1:15

Përim pi, aci pan waka pi, a pa ciind pi ka niirana pi pul bëlieng; iink di pa ja run: Këristu Yeesu abi tsi umundu pa pëbueran bajuban, a te nji n pe un pëci najuban.

1 TIMOTEU 2:7

undo un pibana wink, ka wun n tsua pëci naleents përim ni Napostolu – nji n tsupats, man leents ucär – a n tsuunda pëci najukan bañaan ban cits biki Bajudeu ko un ci wi uwak, ni ucär.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.