EFEESU 3:16 - KARÚK-PËRIM KAWALU Nouveau Testament

¹⁶ pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:16 ပူးပေါင်းရင်းမြစ်များ

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

ROOMA 7:22

Par tsi bëci nji tsi uwejats, man nja ndoon ka n lílandër ngëtsua Nasien-batsi;

ROOMA 9:23

pa në tsu buts bañaan, bu ka me përëmb pan ci pi di përëmbul, tsi biki na yëkar biki ipës, a na yecis bukul ki këlum pa përëmb,

1 KORINTU 16:13

Nda waayan, nda moban tsi uwak nda liincan, nda ciin bayënts, nda kaan uyëlan.

2 KORINTU 12:9

maa, nul na jain: “Bëtseend nji aliingu, par pëyëlan nji ka pibandaraan tsi bërafalu.” Unk, mán pe puu pëbëndan been nji tsi bërafal nji, pa pëyëlan Këristu pëci tsi nji.

2 KORINTU 4:16

Wul ka wun, ngëko ngan catsanatsi nja ngë waas; ŋal bëci nja tsi uliaf kë pe këpe pëcoka, maa bëci nja tsi uwejats, kara unu buu kak buwalu.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:15

tsi nul tsi pëbuka pan ci pi-ba këci di batsi oo tsi utsia kaana tsun katim;

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

EFEESU 6:10

Pa pëtuamës, nda tambandari tsi Ajug ni tsi uyëlan pëyëlanul.

FILIIPUS 4:13

Man yëlan ko un ci wi-ba këci, tsi Këristu, nawëlin pëyëlan.

FILIIPUS 4:19

Nasien-batsi nji, ka roor ind ngëfier ind bëlieng, bi bëka përëmbul ci bi tsi Këristu Yeesu.

KOLOS 1:11

A ni pëyëlan pan ci pi-ba këci, ndë watsësaa pëyëlan-ko; din u ci ko u mab wi ni uyëlan përëmbul, pa tsi ko un ci wi-ba këci ndë yëlan pëliincandër ni pëmiira.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.

BAYEBËREU 11:34

a ba jimb uyëlan bërua, a ba buer tsi pëcäts ulaac, ba pën tsi bërafal a ba ruka ci ni pëyëlan; a ba ruka ci baliincal tsi ukam, bu ruak impañ-basondaari, itsooŋ.

1 PER 3:4

maa ka ciin kan beka ki di uwaas ñaan, kan dits ki ka coka, ki uwejats mbëla, ni butsëkal. Wul ci wun ko un ka wi bëkat tsi bërun Nasien-batsi.