EFEESU 2:18 - KARÚK-PËRIM KAWALU Nouveau Testament

¹⁸ par tsi nul, ind ni wund ngë ka bëga bëbaandë-ni di Asin tsi Uwejats uloole.

EFEESU 2:18 ပူးပေါင်းရင်းမြစ်များ

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

KAKÚRAN-KAWAR YEESU KRISTU BI JOŊ LEENŢ BI KUL AJA 10:7

A Yeesu kaka ja bukul: “Mán leents ind ucär: Nji n ci-un pëlëman ngënkanel.

KAKÚRAN-KAWAR YEESU KRISTU BI JOŊ LEENŢ BI KUL AJA 10:9

Nji n ci-un pëlëman. Uci ñaan niajëna tsi nji, në buer; koo niaj, nuu cili, nuu win tsëko kafeer.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

ROOMA 8:15

Par cits uwejats pëluek wi nda yank wun, wi kan tsu ind wi kak tsi bëlal; maa nda yank Uwejats un tsu ind wi a nda ci babuk, a tsi wul tsi nja kë liëna tsun koo ja: Aba, Paapa.

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

1 KORINTU 8:6

maa pa n ja, naloole rin ci-un Nasien-batsi, un ci wi Asin; nan kaanee ngëko bëlieng, a ngë ci ban ci biki pa nul. A naloole rin ci-un Ajug, un ci wi Yeesu Këristu nul nan kaanee ngëko bëlieng, a ngë ci buts pa nul.

GALAASIA 4:6

A undo bi nda ci bi babuk, a Nasien-batsi wëtani Uwejats Abukul di ngëwaas nja, a uu lie koo ja: “Aba, Paapa!”

EFEESU 3:12

A tsi uwak, ngë kaana tsi Yeesu bëyeentsal ni uwats pëband di Nasien-batsi.

EFEESU 3:14

Undo ko umënts wi ka wun n kuuj ijuul tsi bërun Asin.

EFEESU 4:4

Uliaf aci uloole, a Uwejats ci uloole. Unk buts, tsi karua ind, nda ruuree uwats uloole;

EFEESU 6:18

Nda moban tsi bëñaan tsi Uwejats-ujënts ngëwal bëlieng, ni tsi puu yep. Nda tambandari pëwaay tsi ko umënts wan, ni tsi puu yep pa bayëman bëlieng.

KOLOS 1:12

Nda barani Asin ni ulílan, nul nan tsui indi a nda tsënkan pëbofara bërukanda bayëman, tsi ufac.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

JAKOB 3:9

Ni pul, nja kë jaar-ngëwar Ajug nja nul Asin inja; a ni pul kak nja kë ja ngëwutsëtsuel tsi uleka bañaan-bajin, bukul biki Nasien-batsi leemp biki tsi bënaamul.

1 PER 1:17

A ni ka wat unk kara ñaan pëleents tsi ko wi na ro wi, nul nan ditsi ka kicës bañaan, uci nduu ruul koo jaul Asin, nda yandaari tsi pëlënk Nasien-batsi tsi uwal pëtsooŋ ind tsi utsia tsi.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

JÚDAS 1:20

Maa ind ba ŋala biki, nda liinc-liincandari mak tsi uwak ind uyëman, nduu ñaan tsi Uwejats-ujënts.