EFEESU 2:14 - KARÚK-PËRIM KAWALU Nouveau Testament

¹⁴ Par nul ci-un pëfac nja nul nan tsui Bajudeu ni ban cits biki Bajudeu ba ci baloole, bi na wat bi pëlënk pan kic pi bukul, un ci wi mañaasëlër,

EFEESU 2:14 ပူးပေါင်းရင်းမြစ်များ

LÚKAS 1:79

pa pëfiets ban ci biki tsi karëm, a pëcäts límtsan kul, pa pëkaŋan iyots nja tsi bëga bi kan tsij nja bi tsi pëfac.”

LÚKAS 2:14

“Përëmb pa ciin pa Nasien-batsi di tsëko tsan pe tsi pëci di ruets, a pëfac pa ciin tsi bañaan biki na lílandër biki tsi umundu.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:16

Man ka ngëlon ngënkanel nga bofats ngi tsi pëtan pi; ngul buts, man ka pëtsiji ngul, ngii te përim nji, din u ci pëtan pëloole ni nayafan naloole.

KAKÚRAN-KAWAR YEESU KRISTU BI JOŊ LEENŢ BI KUL AJA 11:52

A te cits pëcäts pa ucaak rin, maa aci buts pa pëbofëlan upäts Nasien-batsi ban garandar biki, pa ba ci baloole.

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

NGËRO 10:28

a na ja bukul: “Nda me u niiranaatsa niints Najudeu pëbofëlar oo pëya di natsooŋ; maa Nasien-batsi apibanin n kaats pëja nin ñaan jëntsats oo waraatsa.

NGËRO 10:36

Awëtani përimul pa babuk Israel, pa pëleents bukul Upetsan-uwar pëfac tsi Yeesu Këristu. Namëntsi ci-un Ajug bañaan bëlieng.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

EFEESU 2:15

nul tsi uyamatsul, aba ni ngëtsua ni bërolara ngul, pa tsi batëb bukun, në leemp tsi nul ñaan naloole nawalu, në tsu pëfac.

EFEESU 2:17

Abi a na leents Upetsan-uwar pëfac, tsi ind bando biki lawan, ni pëfac tsi bando biki wokan;

EFEESU 3:15

tsi nul tsi pëbuka pan ci pi-ba këci di batsi oo tsi utsia kaana tsun katim;

EFEESU 4:16

aci-undoul ka un uliaf ci upëban a u mobular uwar tsi ngësúk bëlieng, ngi u ka ngi. Unk, uwal wi kara ubuuru kë leemp wi bi u ka bi përo, uliaf bëlieng kë wiaka uu watsësar tsi bëŋal.

KOLOS 1:20

a na tsu ngëko bëlieng nga teelaraan ni nul tsi Abuk, uci ank ngan ci ngi tsi utsia oo ngan ci ngi di batsi; bi na tsu bi pëfac a pa ci, undo pëñaakul pi kruusul.

KOLOS 2:20

Uci bi nda cäts bunk ni Këristu, a u tsu ind a nda pën tsi ngëko umundu, we ka wun a nduu luekandar tsi përo ngi ngëtsua ja ngi, pi nda wama ci biki umundu,

KOLOS 3:11

tsul, katse ka nagërek oo Najudeu; katse ka nawela-kambac oo nawelaatsa-kambac; katse ka napayi oo najintela-ngëcaay; katse ka naluek oo nafacal; maa Këristu ci-un, nul nan ci blieng, tsi blieëng.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 7:2

Abraam wëlul kafa kaloole tsi ifa untaaja tsi ngëko bëlieng. Ucak, ko wi katimul pac wi, aci nasien bëmabal, a ko wi nasien Salem pac wi, aci nasien pëfac.