EFEESU 1:7 - KARÚK-PËRIM KAWALU Nouveau Testament

⁷ tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 1:7 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 26:28

par ko wi aci pëñaak nji, pëñaak karo-pëloole, pan tulaa pi pa bacumal, pa pëjampësana ngëjuban.

MATEU 6:12

Jampësaan wund ngëjuban, bi wund jampësabi ba lac wund biki.

MARKU 14:24

A na ja bukul: “Ko wi aci pëñaak nji, pëñaak karo-pëloole, pan tulaa pi pa bañaan bacumal.

LÚKAS 1:77

pa pëtsu bañaanul pëme pëbuër, tsi pëjampësaa ngëjuban kul,

LÚKAS 24:47

din kayaar-ibats, pa pëjampësaa ngëjuban, ka leentsaa tsi katimul pa bañaan ban cits biki Bajudeu bëlieng, pëkurëna tsi Jerusalem.

KAKÚRAN-KAWAR YEESU KRISTU BI JOŊ LEENŢ BI KUL AJA 20:23

Biki nda jampësa biki ngëjuban, bu ka jampësaa; a biki nda jampësaats biki, bë ri ka jampësaa.”

NGËRO 10:43

Ulekaul wi bayëlia bëlieng ñakandar wun aja: Na waki ba këwak tsi nul, në jampësaa ngëjuban tsi katimul.”

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

ROOMA 3:24

a ba tsuunaa pëci bamabal tsi bëtseendul, bëlukats, undo pëfacana pan ci pi tsi Këristu Yeesu.

ROOMA 3:25

Nul ni Nasien-batsi tsu un, pa pëñaakul pëci ujampësaani ngëjuban tsi uwak; pa nul Nasien-batsi pëpiban bëmabalul undo bi na wët bi pëpikaar bañaan tsi ngëjuban ngandola ngi uwal ujon,

ROOMA 9:23

pa në tsu buts bañaan, bu ka me përëmb pan ci pi di përëmbul, tsi biki na yëkar biki ipës, a na yecis bukul ki këlum pa përëmb,

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

EFEESU 1:14

wul ci wun umobanaani bërukanda nja te ulukaa pëbuer biki Nasien-batsi ka biki pa ubëndan Përëmbul.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 1:6

pa n ja pëbundan përëmb bëtseendul bi na wël nja bi bëlukats tsi Abukul na ŋalee.

EFEESU 1:8

bi Nasien-batsi cuman bi tsi nja ni kameko kan ci ki ba këci ni bëlipal.

EFEESU 2:4

Maa Nasien-batsi, nul nan cumi ni kayëk-ipës, tsi undo bëŋalul bëwiak bi na ŋal nja bi,

EFEESU 2:7

pa tsi ngëwal ngi kan bi ngi, në piban përëmbul pan pelëk pi tsi bëtseendul, bi na ci bi uwar pa n ja tsi Këristu Yeesu.

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:8

Nji nan pei pëci naties tsi bayëman bëlieng, bëtseend bëmënts bi awëlain pa nji pëleents tsi ban cits biki Bajudeu Upetsan-uwar përëmb Këristu pa yëlanaatsa pi bëjaaka;

FILIIPUS 4:19

Nasien-batsi nji, ka roor ind ngëfier ind bëlieng, bi bëka përëmbul ci bi tsi Këristu Yeesu.

KOLOS 1:14

tsi nul ngë lukaraa pëbuer a ngëjuban nja jampësaa.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 2:13

A ind ban do biki cats undo kaguus-ko ind, ni undo kawelaatsa-kambac tsi ngëliaf ind, Nasien-batsi tsu ind a nda ci bayësal ni Këristu: Ajampësa nja ngi ngë ro ngi nga waraatsa ngi ngul bëlieng,

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

1 TIMOTEU 2:6

nul wël un ubiiraul bërierul pa pëlukëna pëbuer bañaan bëlieng: Ci wun ko u leentsa wi tsi uwal un do wi yecisa ba;

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 3:6

Nul, tsi Yeesu Këristu, Nabuerani nja akoŋi Uwejats-ujënts tsi ruetsi nja arëmban.

BAYEBËREU 9:22

Bi ulua-Moises tsu bi, anats pi, ko un ci wi-ba këci, pëñaak ka jëntsanaan pun wul; a uci pëñaak tulaatsa, mjampësa cits.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 JOŊ 2:12

Upats uties, mán picari ind, par ngëjuban ind ajampësaa, tsi undo katim Këristu.

1 JOŊ 2:2

Nul ci-un bëjakan bi kan pënan bi ngëjuban nja a cits ngëjuban nja rin, maa ngi bañaan umundu bëlieng.

1 JOŊ 4:10

Tsi ko wi, tsi bëŋal ciina tsun: cits pëjaa n ja ŋal bukun Nasien-batsi, maa nul ŋal nja un a na yëli Abukul, pa na ci bëjakan bi kan pënan bi ngëjuban inja.

UPIBAN 14:4

Bamënts biki, bë ci ban tsopandarats biki ni bakaats, par bu meets ŋaats. Bukul ci bukun bafets Ubuk-unkaanel, tsi uu ya tsi ba këya. Bukul bu weelee tsi pëncuaf bañaan pa ba ci ngëtseend-ngëcak pa Nasien-batsi, ni Ubuk-unkaanel.

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.