EFEESU 1:20 - KARÚK-PËRIM KAWALU Nouveau Testament

²⁰ Pëyëlan pëmënts pi, pi Nasien-batsi leempëna pun tsi Këristu, na natsaniul di bacäts, a na tsuul na tsoar di kariirul di batsi;

EFEESU 1:20 ပူးပေါင်းရင်းမြစ်များ

MATEU 26:64

A Yeesu yankul, aja: “Bi m ja bank. A ndu ja ind: Pëkur tsi inkri, ndë win Abuk ñaan-najin tsoar di kariir Kanpe pëyëlan-ngëko bëlieng, në pafari tsi isa batsi pëbi.”

MATEU 28:18

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

MARKU 14:62

A Yeesu jaul: “Nji n ciul un; te ndii win Abuk ñaan-najin tsoar di kariir Kanpe pëyëlan-ngëko bëlieng, në pafari tsi isa batsi pëbi.”

MARKU 16:19

Bi Yeesu, Ajug ba bi pëñakanaan bukul, a na tsëpanda batsi, a na tsoar tsi kariir Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 10:18

Ñaan di ka pënanin ubiira, maa nji ka n wël un wul bërierin. Man ka pëyëlan pa pëwël ubiira, ni pëyëlan pa pëyank wul kak. Utsua umënts wi, man yankëni wul di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:30

Nji ni Asin nji, wund aci baloole.”

NGËRO 10:40

maa tsi unu uwaajantsan Nasien-batsi natsaniul di pëcäts, a na tsuul na winaa;

NGËRO 26:8

We ka wun a nda wejats aja, Nasien-batsi pëtsu bacäts ba natsee yëlanats pëfiaara?

NGËRO 4:10

ind bëlieng, ni bañaan Israel bëlieng, nda mean uwar, niints na nats ink tsi bërun ind, ayësanaana tsi katim Yeesu Këristu, Kanpënë-ni-nasaret, nul ni nda rieŋi di kruus, a Nasien-batsi natsaniul di bacäts.

NGËRO 5:31

Maa, a Nasien-batsi riangul tsi kariirul, pa na ci Nasien ni Nabuëran, pa pëwël Israel kayaar-ibats, ni pëjampësaa ngëjuban.

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

EFEESU 1:3

Nasien-batsi na bëndanaan, nul Asin Yeesu Këristu Ajug inja; na n jaari njai ngëwar ni ngëkoraar ngëko ngëwar bëlieng tsi Këristu di tsëko tsan ci tsi ba këci di batsi.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

KOLOS 1:16

Par ngëko bëlieng aleempaa tsi nul, di batsi ni tsi utsia, ngi ka wina ngi, ni ngan dits ngi ka wina; uci ank itsoari-msien, oo ngan kaana ngi ko, oo ngan tsijëna ngi pëyëlan, oo ngan ka ngi uyëlan. Ngëko bëlieng aleempëna tsi nul; a nga ci pa nul.

KOLOS 3:1

Bi nda natsee bunk ni Këristu di pëcäts, nda tsasan ngi ruets, di Këristu tsoar ri, tsi kariir Nasien-batsi.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 10:12

Maa Yeesu, aro bëjakan bëloole baŋ, tsi uleka ngëjuban, pa ngëwal bëlieng, a na tsoar tsi kariir Nasien-batsi.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 2:9

Maa nan welanee apar ngëwaanju ko uties, nul Yeesu, nja ka teenul bikink a na wurana përëmb ni urispiitu, par anoor unoor pëcäts. Unk tsi bëtseend Nasien-batsi a na juaban pëcäts pa ñaan nan ci ba këci.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

UPIBAN 1:17

Uwal wi n winul wi, a yër tsi iyotsul pi man cats. Maa a na paf kañanul kariir tsi nji, a na ja: “Cats lal; nji n ci-un Nacak ni Natuami,