EFEESU 1:17 - KARÚK-PËRIM KAWALU Nouveau Testament

¹⁷ Nasien-batsi Yeesu Këristu Ajug nja nul Asin, nan dëmbanee, na wëlan ind uwejats kameko ni upiban, u tsu ind ndë meul.

EFEESU 1:17 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

MATEU 11:27

Asin nji awëlin ngëko bëlieng. A ñaan meets Abuk, ucits ba Asin; a ñaan meets Asin, ucits ba Abuk, ni biki Abuk ŋal biki pëpiban bukul nul.

MATEU 16:17

A Yeesu ñakan kak ajaul: “M naak, Simon, abuk Jonas; par cits uyamats ni pëñaak pibanu ngun ko wan, maa aci Asin nji nan cii di batsi.

MATEU 20:33

A ba jaul: “Ajug! Wund aŋal këkës wund waantsa.”

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

LÚKAS 12:12

Par, uwal umënts, Uwejats ujënts ka leents ind ko wi ndu ja wi.”

LÚKAS 2:14

“Përëmb pa ciin pa Nasien-batsi di tsëko tsan pe tsi pëci di ruets, a pëfac pa ciin tsi bañaan biki na lílandër biki tsi umundu.”

LÚKAS 21:15

Par nji, mán wël ind irim ni kameko, pa nin naloole tsi babër ind tsë yëlan pëliincandër, nin pëpok ni irim.

KAKÚRAN-KAWAR YEESU KRISTU BI JOŊ LEENŢ BI KUL AJA 14:17

nul Uwejats ucär, wi umundu yëlanats wi pëyank, par winats wul, te nin meets wul. Maa ind nda me wul, par wul aci ni ind, a uu ci di ind.

KAKÚRAN-KAWAR YEESU KRISTU BI JOŊ LEENŢ BI KUL AJA 14:26

Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 16:3

Bu ka ro ngëmënts ngan, par bu meets Asin, nin bu meetsin.

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 20:17

A Yeesu jaul: “tsë kërarain, par nji n netse n paya di Asin nji. Maa tsëpan di ban tsaar biki ni nji, kë ja bukul, mán paya di Asin nji, nul Asin ind, di Nasien-batsi nji, nul Nasien-batsi ind.”

NGËRO 6:10

a bë yëlanats pëpok kameko, ni Uwejats, un tsuul wi a na ñakan.

NGËRO 7:2

Estefan yank bukul aja: “Batsaar ni nji bayënts, ni basin nji, nda cikëndëni! Nasien-batsi përëmb apibandari tsi Abraam, asin nja bi na wama bi ci di Mesopotaamia, te netse ro ci di Karan;

ROOMA 1:28

A bi ba tsuuts bunk ibats tsi ume Nasien-batsi, Nasien-batsi guts bukul tsi kawejats nga waraatsa ngi, a bu kë ro ngan kaats ngi përolaa.

ROOMA 15:6

ndë baar tsi përim pëloole, nduu rëmban Nasien-batsi, nul Asin Yeesu Këristu, Ajug nja.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

1 KORINTU 14:6

Maa inkri, batsaar ni nji, uci n bi di ind a ndu n ñakan mleents ngëtsooŋ, buom bëkat bi n du n kaar ind bun, uci ñakanaanats ind tsi upiban, oo tsi ume, oo tsi pëleents u meaatsa wi, oo tsi bëjukan?

1 KORINTU 2:10

Maa, wund biki Nasien-batsi piban bukun ngul tsi Uwejatsul; par Uwejats ka piban te ŋal ngi Nasien-batsi bek ngi.

1 KORINTU 2:8

Kameko kamënts ki, nin nalon tsi bajug pëyëlan tsi umundu wi meets kul; par uci ba ro me kul, bu bitse ka ro rieŋ Ajug përëmb di kruus.

2 KORINTU 12:1

Afiera nji pëbëndan been nji, ŋal bi pa kaats bi bëkat. Maa, mán ñakanaan uleka buwinal bi Ajug wëlin bi, ni ngëko ngi na pibanin ngi.

EFEESU 1:3

Nasien-batsi na bëndanaan, nul Asin Yeesu Këristu Ajug inja; na n jaari njai ngëwar ni ngëkoraar ngëko ngëwar bëlieng tsi Këristu di tsëko tsan ci tsi ba këci di batsi.

EFEESU 3:5

Undo undoots wink mea, wul tsi uwal jon, babuk bañaan-bajin wëlaatsa pëme wul, bi Uwejats Nasien-batsi piban bink wul bapostoluul ni bayëliaul bayëman, inkri.

EFEESU 4:13

te nja ka ruka ci bëlieng tsi kambof uwak, ni tsi pëme Abuk Nasien-batsi, tsi bëci niints nan bandi këjëŋal ni pëliing ni Këristu tsi bëciul ban band bi.

FILIIPUS 3:15

Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

2 TIMOTEU 2:25

ni kajuab-uwaas nuu cikës bapok bëjukan bi nuu jukan bi; në wats tsi Nasien-batsi pëtseend bukul kayaar-ibats, pa bu ka me ucär,

TIITU 1:1

Pol, naleempar Nasien-batsi, Napostolu Yeesu Këristu, pa pëtsiji uwak tsi biki Nasien-batsi rat biki, ni kame ucär ki kan tsu ki ñaan pëlënk Nasien-batsi;

JAKOB 2:1

Batsaar ni nji! Ind tsë jej uwak ind tsi Ajug nja Yeesu Këristu, nul nan dëmbanee, ndë bofëlan wul ni pëkicës bañaan.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

UPIBAN 7:12

a nguu ja: “Ameen! Ubëndan, ni përëmb, ni kameko, ni pëbaran, ni rëmbana, ni pëyëlan, ni uyëlan, aci pa Nasien-batsi wund, pa sandëndën! Ameen!”