EFEESU 1:15 - KARÚK-PËRIM KAWALU Nouveau Testament

¹⁵ Wul ka wun, nji buts, uwal wi n te wi bañaan kë ñakanaan uleka uwak ind tsi Yeesu Ajug, ni bëŋal bi nda ka bi pa bayëmanul bëlieng,

EFEESU 1:15 ပူးပေါင်းရင်းမြစ်များ

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

EFEESU 3:18

Unk ind ni bayëman bëlieng, ndë yëlan pëme ko un ci wi uwaanar, ko un ci wi uyampar, ko un ci wi uwandar, ni ko un ci wi unatsar;

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 4:9

A tsi uleka pëŋalëlar tsi nda tsaar tsi, nda fierats pëpicandara ko, par ind bërier ind Nasien-batsi ajukan ind puu ŋalëlar.

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

1 TIMOTEU 1:14

A te bëtseend Ajug nja awatsësar tsi nji apar-paran, ni uwak, ni bëŋal ban ci bi tsi Këristu Yeesu.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

FILEMON 1:5

Par, ma nja n doon koo te uleka uwak wi m ka wi tsi Yeesu, Ajug, ni bëŋalu pa bayëman bëlieng.

BAYEBËREU 6:10

Par, Nasien-batsi cits namabats; yëlanats pëfin uleemp ind, ni bëŋal bi nda piban bi tsi uleka katimul, bi nda leempar bunk bayëman, a ind ka leempar bikink bukul.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 JOŊ 3:17

Nan kai bëka umundu wi, a na win ni ba tsaari ci tsi ufier, a na ríc uwaas pa nul, um bi bëŋal Nasien-batsi kë mob bun tsi pëci di nul?

1 JOŊ 4:21

Këristu awël nja utsua wi: Ñaan na ŋali Nasien-batsi, na ŋalan buts ni ba tsaari.