EFEESU 1:11 - KARÚK-PËRIM KAWALU Nouveau Testament

¹¹ A tsi nul buts tsi ngë ratënaa tsun, ngë ci ban yecisa biki tsi utsaag na leempi ngëko bëlieng tsi buwejatsul tsi uŋalul;

EFEESU 1:11 ပူးပေါင်းရင်းမြစ်များ

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

NGËRO 2:23

nul agutsara ind, bi Nasien-batsi ro bi baaraan u rola, tsi utsaagul ni tsi kacar-umeul; a nda rieŋul di kruus afiŋënul iñan bamabats.

NGËRO 20:27

Par, nji n wëtats pëleents ind ko wi Nasien-batsi tsaag wi.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 4:28

Bë ro ngëko bëlieng, ngi kañanu ni uŋalu ro ngi yecis ba.

ROOMA 11:34

Par, yën me un utsaag Ajug-i? Oo yën ci-un natseendul ibats-i?

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

ROOMA 8:29

Par biki na me biki ki ujuundi, a na car ayecis bukul buts pa ba ci pi bënaam Abukul, nul në ci bajan tsi biki ba tsaar biki bacumal.

ROOMA 8:30

A biki na car biki ayecis, na rui buts bukul; a biki na rui biki, na tsu buts bukul bamabal; a biki na tsu biki bamabal, na rëmban buts bukul.

ROOMA 9:11

Par batantëmb bukun netse ro bukee, te bu roots nin ko u wara wi, nin u waraatsa wi, pa utsaag Nasien-batsi tsi uleka bërat pëci u liinc wi;

GALAASIA 3:18

Par, uci bërukanda kë biini tsi ulua, bul katse ka biini tsi uwatsan; maa Nasien-batsi awëlëna Abraam bëtseendul tsi uwatsan.

EFEESU 1:14

wul ci wun umobanaani bërukanda nja te ulukaa pëbuer biki Nasien-batsi ka biki pa ubëndan Përëmbul.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 1:5

na car ayecis pëtsu nja pëci babukul tsi Yeesu Këristu, tsi bëŋal kawara-uwaasul;

EFEESU 1:8

bi Nasien-batsi cuman bi tsi nja ni kameko kan ci ki ba këci ni bëlipal.

EFEESU 1:9

Nul tsu nja un pëme un doots wi mea, wi bëŋalul, bi u ci bi tsi ko uwar wi na ŋal wi u ci, a na tsu wul tsi Këristu;

EFEESU 3:11

tsi ko wi na wejats wi përo, un dits wi ka ba, wi na roona wi tsi Këristu Yeesu Ajug nja.

KOLOS 1:12

Nda barani Asin ni ulílan, nul nan tsui indi a nda tsënkan pëbofara bërukanda bayëman, tsi ufac.

KOLOS 3:24

Par nda me koon, Ajug ka wël ind bërukanda, bë ci bëluk. Aci Këristu, Ajug, ni nda ci-un tsi pëleempar.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 3:7

Unk, tsi bëtseendul a na tsu nja a ngë ci bamabal, pa nja ka ruka ci barukanda, undo pëwats tsi ubiira un dits wi ka ba.

BAYEBËREU 6:17

Unk, Nasien-batsi aŋal pëpiban barukanda uwatsan, ne, ko wi na tsaag wi di ka but bëlon bëci. Wul ka wun, ni ubaaja a na mob tsi ko wan.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:4

ninja pëka bërukanda ban dits bi ka coka, ban kaats bi mtsopi, ban dits bi ka rots, ban gaangara ind bi di batsi.

1 PER 3:9

Ñaan nando indi uwutsëtsuel, ind tsë lukanaanul uwutsëtsuel, oo kakar tsë lukanaana kakar, maa u wara wi. Nda ru kë ja ngëwar par umënts wan wi nda ruuree wun, pa ind pëyank uwar wi nda ka wi përukanda.