BAYEBËREU 9:28 - KARÚK-PËRIM KAWALU Nouveau Testament

²⁸ unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

BAYEBËREU 9:28 ပူးပေါင်းရင်းမြစ်များ

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 25:31

Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul.

MATEU 26:28

par ko wi aci pëñaak nji, pëñaak karo-pëloole, pan tulaa pi pa bacumal, pa pëjampësana ngëjuban.

KAKÚRAN-KAWAR YEESU KRISTU BI JOŊ LEENŢ BI KUL AJA 14:3

A uci n ya ee n yecis ind tsëko, ka bi kak, kee jej ind n tsëpand tsi nji bërierin, pa tsi n ci tsi, ind buts ndë ci tsul.

NGËRO 1:11

a ba ja: “Bayënts Galileeya, we ka wun nda nats a nduu teen batsi? Yeesu, nul nan jeja ink tsi pëncuaf ind atsëpanda batsi, unk ri nu witsee run bi nda winul bunk a nuu tsëpanda batsi.”

ROOMA 3:25

Nul ni Nasien-batsi tsu un, pa pëñaakul pëci ujampësaani ngëjuban tsi uwak; pa nul Nasien-batsi pëpiban bëmabalul undo bi na wët bi pëpikaar bañaan tsi ngëjuban ngandola ngi uwal ujon,

ROOMA 5:15

Maa utseend u wëla wi bëlukats cits pi ulaci. Par uci ulaci ñaan naloole baŋ ka wun bañaan bacumal cats, andes bëtseend Nasien-batsi ni utseend u wëla wi bëlukats, un ci wi tsi ñaan naloole baŋ, nul Yeesu Këristu ape pëka bëkat tsi bañaan bacumal.

ROOMA 6:10

Par bi na cäts bunk, aci tsi uleka ujuban wi na cätsar wun uyaas uloole pa sandëndën; a bi na ci bunk buts nayësal, aci Nasien-batsi ni na yësar un.

ROOMA 8:23

A cits ngul rin, maa ŋal nja buts ba yank biki kafa kacak ki Uwejats, unk buts di nja kë ti run tsi nja bërier nja pa pëlip utsua n ja pëci babuk Nasien-batsi, ubuerana ngëliaf nja.

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

1 KORINTU 1:7

pa ind përits ranj nin ulon utseend Nasien-batsi, ndë ci tsi pëlip upibandari Yeesu Këristu, Ajug nja.

1 KORINTU 15:54

Maa uwal wi uliaf wi kan coka wi tiema wi karika-coka, a wi kan cäts wi tiema karika-cäts, din, përim pan picana pi ka ba përolaa; iink picana run: “Pëcäts ayoora tsi kape!”

1 TESALONIKA 1:10

A nda ci tsi pëlip Abukul, ni kan pënii di batsi, ni na tsui a na natsee di bacäts, nul Yeesu, ni ka pënani ija tsi uriab Nasien-batsi wi kan bi wi.

2 TESALONIKA 2:1

Batsaar ni wund, inkri tsi uleka pëbi Ajug nja Yeesu Këristu, ni nja pëjúk tsi nul, wund añaan ind këñaan ko wi:

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

BAYEBËREU 4:15

Par, ngë kaats nan pei pëci nawiak-bajakan na yëlaantsi pëyëkar inja ipës tsi uleka ngi barafal inja; ateen-teenana tsi ngëko bëlieng pinja maa kaats ujuban.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

BAYEBËREU 7:27

Cits pi ban pe bukunk pëci bawiak-bajakan, banduka bukunk; nul fierats përoor ngëjubanul bërun ijakan, kara unu, a uu ba në roor bañaan. Umënts wun, aro wul uyaas uloole baŋ, uwal wi na jakan wunk beenul bërierul.

BAYEBËREU 9:25

Te cits pëjaa aniaj batsi pa pëjakan ubiiraul ngëyaas ngëcumal, bi nan pei pëci nawiak-bajaka n ja bunk kara uwaanu në niaj Tsëko tsan pe tsunk pëci tsëyëman, ni pëñaak pan cits pi piicul.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

2 PER 3:12

nduu lip, ndë cësara Unu Nasien-batsi pëbaandi; unu wi batsi kë tëra wi ba gara, ngëko ngan ci ngi di bul ka yuuy.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

JÚDAS 1:21

Nda tambandari pëci tsi bëŋal Nasien-batsi, ndë ci tsi pëlip kayëk-ipës Yeesu Këristu, Ajug nja pa ubiira un dits wi ka ba.

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!