BAYEBËREU 9:15 - KARÚK-PËRIM KAWALU Nouveau Testament

¹⁵ Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

BAYEBËREU 9:15 ပူးပေါင်းရင်းမြစ်များ

MATEU 19:29

Ñaan na wëtani ito, tsi undo nji, oo ban tsaar biki ni nul, bayënts oo bakaats, asinul oo aninul, upätsul, oo ireeŋul, nii yank un pe wi përëmb, aa ngëyaas useent; në kaand ubiira un dits wi ka ba.

MATEU 22:3

a na yël baleempul, pa bee ba rui bando biki duuree ufesta bënim; maa a bu bitse niiran pëbi.

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

MATEU 25:36

a ndo n ci bëruent, a nda tiemanin; a ndo n maak, a nda bi pëteenin; a ndo n ci di ukalabus, a nda bi pëwinin.’

MARKU 10:17

Bi Yeesu ci bi tsi bëga pëtsëp, a nalon niints túki ee jintëla tsi bërunul, a na yeparul aja: “Najukan nawar! We wi n ka wun përo pa pëka ubiira un dits wi ka ba?”

LÚKAS 18:18

Aka nalon ñaan nawiak na yepari Yeesu, aja: “Najukan nawar! We wi n ka wun përo, pa pëka ubiira un dits wi ka ba?”

LÚKAS 22:20

Tsi uleka karaani, bi ba ba bi kare ufëri, na ro unk buts, aja: “Karaani ki, aci Karo-pëloole kawalu tsi pëñaak nji pan tulaa pi pa ind.

KAKÚRAN-KAWAR YEESU KRISTU BI JOŊ LEENŢ BI KUL AJA 10:28

Nji, mán wël ngul ubiira un dits wi ka ba; ngul di ka niaman yaas; nin ñaan di ka waj ngul tsi kañan nji.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 5:6

Par nul Këristu, uwal wi ngë wama wi ci barafal, na cätsar bameets-nasien-batsi, tsi uwal un jaaka wi.

ROOMA 5:8

Maa iink di Nasien-batsi piban dun bëŋalul pa n ja: Bi ngë wama bi ci bajuban, Këristu catsar inja.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 8:28

Nja ngë me ne, ngëko bëlieng abof uleemp pa uwar ba ŋal biki Nasien-batsi; ban duee biki tsi uŋalul.

ROOMA 8:30

A biki na car biki ayecis, na rui buts bukul; a biki na rui biki, na tsu buts bukul bamabal; a biki na tsu biki bamabal, na rëmban buts bukul.

ROOMA 9:24

un ci wi, nja biki na rui biki buts, te cits tsi pëncuaf Bajudeu rin, maa tsi pëncuaf bañaan ban cits biki Bajudeu buts.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

GALAASIA 3:20

A natsu-manteelar di ka ci ni naloole rin, maa Nasien-batsi aci naloole.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

2 TESALONIKA 2:14

Undo ko umënts wun, a na ruuni ind Upetsan-uwar wund, ind pëbof tsi përëmb Ajug nja Yeesu Këristu.

1 TIMOTEU 2:5

Par, Nasien-batsi naloole baŋ ci-un, a natsu-manteelar tsi Nasien-batsi ni bañaan-bajin ci buts naloole baŋ, ci-un Këristu Yeesu, nul ñaan-najin;

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

TIITU 1:2

aci uwak ni ume, ngan ciina ngi tsi uwats ubiira un dits wi ka ba, wi Nasien-batsi kandi-katsup watsan wi bañaan, te ngëwal netse ro ci.

TIITU 3:7

Unk, tsi bëtseendul a na tsu nja a ngë ci bamabal, pa nja ka ruka ci barukanda, undo pëwats tsi ubiira un dits wi ka ba.

BAYEBËREU 10:34

Par, unoor barica are ind; a te nda niiran ni ulílan pëcaa ngëko ind, par nda me nda ka bërier ind bëka ban pe bi pëci bëwar, a buu jon.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 11:13

Bamënts biki bëlieng bë cätsand uwak, te bë yankats nga watsana ngi; bu win këwin ngul alawan, a ba leena ngul. A ba leents koon ba ci batsooŋ, ni bapar-këpar, tsi umundu.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

BAYEBËREU 6:13

Uwal wi Nasien-batsi watsan wi Abraam, bi u kaats bunk nan pei pëci nawiak, ni nu baajee, a na baaja beenul,

BAYEBËREU 6:15

Unk a nul Abraam kë lip a nuu miira, a nee yank u watsana wi.

BAYEBËREU 7:22

Undo ubaaja umënts wun, ka wun Yeesu ruka ci umobanaani karo-pëloole kan pe ki pëwara.

BAYEBËREU 8:13

Bi Nasien-batsi ja bink karo-pëloole kamënts ki, kawalu, atsu kacak kun a ka ci kajon. A ko unduka wi jon, a u tsaf, awokan pëniaman.

BAYEBËREU 9:12

Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.

BAYEBËREU 9:16

Par tsi karuk-përim ci tsi, afiera u roon u pibanaa ne, kanduk-përim a cäts.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

JAKOB 1:12

Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.