BAYEBËREU 9:14 - KARÚK-PËRIM KAWALU Nouveau Testament

¹⁴ andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

BAYEBËREU 9:14 ပူးပေါင်းရင်းမြစ်များ

MATEU 12:28

Maa, uci u ci Uwejats Nasien-batsi wi duu ruakëna wun ngëcaay, ndë me, ne pësien Nasien-batsi abaandi tsi ind.

MATEU 16:16

A Simon Per ja: “Wi ci-un Këristu, Abuk Nasien-batsi nayësal.”

MATEU 20:28

unk di Abuk ñaan-najin bi run; cits pa pëkëmandaa, maa pëkëmand, në wël ubiiraul pa pëlukar bañaan bacumal.”

MATEU 7:11

Ind ba waraatsa biki, ande nda me aatsum pëwël upäts ind ngëko ngëwar; a nda me koon, Asin ind nan cii di batsi, ka wël biki ka yepul biki ngëwar!

LÚKAS 1:74

bi ngë ba bi pëbuërana tsi iñan ban bër nja biki, na wël nja pëyëlan puu bëndanul, te ngë ri ka ciind ni bëlal;

LÚKAS 12:24

Nda teenan-e ngëwaac: di ka wayan, a di ka cët; kaats tsëjúkëlaani, a kaats kalëpats; maa Nasien-batsi kë rialan ngul. Te ind, nda pe ngëko-ngëyits kaka bëkat.

LÚKAS 12:28

Uci u ci unk di Nasien-batsi kë tieman dun pëtsats bëreeŋ, pan ci pink ntsari, maa faan pë gutsa di bërua, andes ind ban ka biki uwak uties!

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

KAKÚRAN-KAWAR YEESU KRISTU BI JOŊ LEENŢ BI KUL AJA 3:34

Par, ni Nasien-batsi yëli unk, ka leents irim Nasien-batsi, par Nasien-batsi ka wëlul Uwejats te di ka niib.

NGËRO 1:2

te unu wi na tsëpanda wi batsi, bi na ba bi pëwël bapostolu ngëtsua tsi pëyëlan Uwejats-ujënts, bukul biki na rat biki.

NGËRO 10:38

bi Nasien-batsi tulari bi Yeesu Uwejats-ujënts ni pëyëlan, nul Kanpënë-ni-nasaret, a nuu yaana ngëleka bëlieng, nuu ro uwar, a nuu yësan bañaan bëlieng biki Ujabël tsu biki tsi pëluëk, par Nasien-batsi aci ni nul.

NGËRO 14:15

aja: “Bayënts! We ka wun a ndu ro ko wi? Wund aci buts bañaan-bajin pi ind, wund kë wejats pi ind. A wund leents ind Upetsan-uwar, pa ind pëwëtan ngëko ngan kaats ngi bëkat, ndë witsësee pa Nasien-batsi nayësal na leempi batsi, ni utsia, ni bërëk, ni ngëko ngan ci ngi rul bëlieng.

NGËRO 15:9

patsëlanatsi njani bukul; a tsi uwak, na jëntsan ngëwaas bukul.

ROOMA 1:20

Par ki uleempara umundu, ngi Nasien-batsi ngan dits ngi ka winaa, awina tsi ko un jënts wi, un ci wi pëyëlanul pan dits pi ka ba, ni bëciul Nasien-batsi, uci pëteenëna tsi ngi na ro ngi; unk bu ranjats ulaci,

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

ROOMA 11:12

Maa uci kaguus-ko bukul tsiji përëmb pa umundu, a pëyër bukul tsiji përëmb pa ban cits biki Bajudeu, andes ubaar bukul pënatsa ba nats!

ROOMA 11:24

Par, uci m falaa këfalaa tsi buoliwa bëreeŋ bi m ci bi ubukeeu, a m kabana këkabana tsi buoliwa ba wayana bi, bi m cits bi ubukeeu, andes bamënts biki, bu kee kabanaa tsi buoliwa bukul bi ba ci bi, ubukee bukul.

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

1 KORINTU 15:45

Par iink picana run: “Ñaan nacäk, un ci wi Adam, awula ubiira.” Maa Adam natuami aci uwejats wi ka wël wi ubiira.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

GALAASIA 2:19

Par nji, tsi uleka ulua, man cats tsi ulua, undo nji puu yafënts tsi Nasien-batsi. Man dieŋa di kruus ni Këristu.

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

EFEESU 5:2

nda yandaari tsi bëŋal, bi Këristu ŋal nja bi a na wël ubiiraul bërierul pa n ja, pi bëtseend ni bëjakan ba líl bi pëñal pa Nasien-batsi.

1 TESALONIKA 1:9

Par bukul bërier bukul, bë ci tsi pëñakanaan uleka wund, bi bu kë leents bi pëwelan pi nda welan wund pi, ni bi nda witsësa bi pa Nasien-batsi. A nda wëtan icap, pa pëleempar Nasien-batsi nayësal a na ciind nacär.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:12

Maa Yeesu, aro bëjakan bëloole baŋ, tsi uleka ngëjuban, pa ngëwal bëlieng, a na tsoar tsi kariir Nasien-batsi.

BAYEBËREU 10:2

Uci u ro yëlan, ijakan imënts yun bitse iink ka wëtana përolaa-a? Par babëndan, bu bi ka ro jëntsana uyaas uloole baŋ, din bu katse ka ro te ume-kabats bukul lacan bukul tsi undo ngëjuban.

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 11:21

Uwak tsu wun Jakob, ucatsul a na ja ngëwar pa kara ñaan tsi babuk Juse, bayënts; a na mobara bujul pëndogul a nuu bëndan Nasien-batsi.

BAYEBËREU 13:12

A wul ka wun Yeesu cats di utsand pëlëman përaasa, a ni pëñaakul bërierul në tsu bañaan bu ka ci ba yëman biki.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 6:1

Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

BAYEBËREU 7:16

a tsuunaatsa pëci najakan tsi ulua ñaan-najin, maa tsi pëyëlan ubiira un kaats wi ubaani.

BAYEBËREU 7:27

Cits pi ban pe bukunk pëci bawiak-bajakan, banduka bukunk; nul fierats përoor ngëjubanul bërun ijakan, kara unu, a uu ba në roor bañaan. Umënts wun, aro wul uyaas uloole baŋ, uwal wi na jakan wunk beenul bërierul.

BAYEBËREU 9:12

Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

BAYEBËREU 9:7

Maa pëfër pëcints pun, nan pei pëci nawiak-bajakan, nul baŋ ka niaj undul, uyaas uloole tsi uwaanu; a te cits pëjaa di ka ñaakandar beenul, ka ñaakandar beenul në ñaakandar ngëjuban ngi bañaando ngi tsi kameets.

BAYEBËREU 9:9

Ko umënts wun aci katib-përim pa uwal untsari; apiban ne, ngëtseend ni ijakan arolaa, maa tsi ume-kabats yëlanats pëtsu nabëndan në ci nan bai pëci nawar.

1 PER 1:19

maa aci pëñaak Këristu pëñatsal, pi pëñaak unkaanel un kaats wi basal, a kaats mtsopi.

1 PER 2:22

Nul nandootsi ujuban, nin kalon kafäl cits di mtumul.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

1 JOŊ 1:7

Maa uci ngë yandaar tsi ufac bi na ci bi tsi ufac, nja ka ci tsi manteelar tsi ngë ci tsi, din pëñaak Yeesu, Abukul, ka jëntsan nja ujuban un ci wi-ba këci.

1 JOŊ 3:5

Nda me Këristu bi, pa pëñau ngëjubani njaa ujuban cits tsi nul.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja