BAYEBËREU 9:12 - KARÚK-PËRIM KAWALU Nouveau Testament

¹² Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.

BAYEBËREU 9:12 ပူးပေါင်းရင်းမြစ်များ

MARKU 3:29

Maa nan kari ba këkar Uwejats-ujënts, di ka jampësaa yaas; par ulaciul aci pa sandëndën.”

LÚKAS 1:68

“Ajug, na jaaraan ngëwar, nul Nasien-batsi Israel, par abi pëwula bañaanul, na facan bukul.

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

KOLOS 1:14

tsi nul ngë lukaraa pëbuer a ngëjuban nja jampësaa.

1 TESALONIKA 1:10

A nda ci tsi pëlip Abukul, ni kan pënii di batsi, ni na tsui a na natsee di bacäts, nul Yeesu, ni ka pënani ija tsi uriab Nasien-batsi wi kan bi wi.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 10:19

Bi u ci bank, ind batsaar ni nji, pëñaak Yeesu ka pun ngë ka bëyeentsal pa pëniaj Tsëko tsan pe tsi pëci tsëyëman.

BAYEBËREU 10:4

Par, kaats bi pëñaak ngëyët-ngëkas, ni pi ngëruekas, kë pënan bi ngëjuban.

BAYEBËREU 13:12

A wul ka wun Yeesu cats di utsand pëlëman përaasa, a ni pëñaakul bërierul në tsu bañaan bu ka ci ba yëman biki.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

BAYEBËREU 7:27

Cits pi ban pe bukunk pëci bawiak-bajakan, banduka bukunk; nul fierats përoor ngëjubanul bërun ijakan, kara unu, a uu ba në roor bañaan. Umënts wun, aro wul uyaas uloole baŋ, uwal wi na jakan wunk beenul bërierul.

BAYEBËREU 9:13

Par, uci pëñaak ngëruekas, ni pi ngëyët-ngëkas, ni ufab upatar guraa wi ban tsop biki, a ngëmënts ngan kë jëntsan bukul ngëliaf,

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

BAYEBËREU 9:19

Moises aleents bañaan bëlieng utsua un ci wi-ba këci, bi ulua ja bi. A na jej pëñaak ngëbay, [ni pi ngëruekas,] a na jejand mlik, ni imuets ijankal, ni ina bëko bi ka n jaka bunk isoopu, a na lícar ulibëru bërier wul, ni bañaan bëlieng.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

BAYEBËREU 9:7

Maa pëfër pëcints pun, nan pei pëci nawiak-bajakan, nul baŋ ka niaj undul, uyaas uloole tsi uwaanu; a te cits pëjaa di ka ñaakandar beenul, ka ñaakandar beenul në ñaakandar ngëjuban ngi bañaando ngi tsi kameets.

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.