BAYEBËREU 8:13 - KARÚK-PËRIM KAWALU Nouveau Testament

¹³ Bi Nasien-batsi ja bink karo-pëloole kamënts ki, kawalu, atsu kacak kun a ka ci kajon. A ko unduka wi jon, a u tsaf, awokan pëniaman.

BAYEBËREU 8:13 ပူးပေါင်းရင်းမြစ်များ

MATEU 24:35

Batsi ni utsia ka par, maa irim nji di ka par yaas.

LÚKAS 22:20

Tsi uleka karaani, bi ba ba bi kare ufëri, na ro unk buts, aja: “Karaani ki, aci Karo-pëloole kawalu tsi pëñaak nji pan tulaa pi pa ind.

1 KORINTU 13:8

Bëŋal di ka ba yaas. Maa uci kaleents nga meaatsa ngi ci, kee ka ba. Uci mleents ci, kee nga paaraar. A uci ume ci, kee u ba,

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

BAYEBËREU 1:11

Ngul ka niaman; maa wi, m ci tsi puu ci. Ngul ka tsaf bëlieng pi kaŋí-bëtiem.

BAYEBËREU 12:24

tsi Yeesu, nul Natsu-manteelar nan tsij-ni karo-pëloole kawalu, ni tsi pëñaak pan gura pi, pul pan pe pi pëñaak Abel pëñakan uwar.

BAYEBËREU 7:22

Undo ubaaja umënts wun, ka wun Yeesu ruka ci umobanaani karo-pëloole kan pe ki pëwara.

BAYEBËREU 8:6

Maa inkri, uleemp wi Yeesu wëlaa wi ape wiic bukul, pi bi karo-pëloole ki na ci ki natsu-manteelar pe bi kajon. A nga watsana ngi, ngan pe ngi pëwara, tsijëna ngun kul.

BAYEBËREU 8:8

Maa Nasien-batsi aleentsar babuk Israel, aja: “Ajug aja: ‘Teenan-e! Ngënu ka baandi ngink, ka ci uwal wi ndu ndo wi karo-pëloole kawalu ni kato Israel, ni kato Juda buts.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.