BAYEBËREU 7:25 - KARÚK-PËRIM KAWALU Nouveau Testament

²⁵ Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

BAYEBËREU 7:25 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 14:13

A ko wi nda yep wi ba këyep tsi katim nji, ka ro wul, pa Asin përëmbana tsi Abuk.

KAKÚRAN-KAWAR YEESU KRISTU BI JOŊ LEENŢ BI KUL AJA 14:16

Mán yep Asin nji, në wëli ind nalon natsënk, pa në ci ni ind pa sandëndën,

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

1 KORINTU 1:21

Par, Nasien-batsi tsi kamekoul, tsuuts umundu u meul tsi kamekoul bërierul; maa ba uwak biki, abueranaan bukul bëfuur kaleents-përim.

EFEESU 2:18

par tsi nul, ind ni wund ngë ka bëga bëbaandë-ni di Asin tsi Uwejats uloole.

EFEESU 3:12

A tsi uwak, ngë kaana tsi Yeesu bëyeentsal ni uwats pëband di Nasien-batsi.

EFEESU 3:20

Përëmb pa ciin pa nan kai pëyëlan përo ngëko bëlieng na paran ngi ngë yep ngi, oo ngi ngë wejats ngi, bi pëyëlanul kë leemp bi tsi nja;

FILIIPUS 3:21

nii witsës ngëliaf nja ngul ngan tienkëtsana ngi, në tsu ngul ngë naam ni uliaful wi përëmb. Ka roona ko wan tsi pëyëlan pi na ka pi, pi nu tsuuna pi ngëko bëlieng, nga fets përimul.

1 TIMOTEU 2:5

Par, Nasien-batsi naloole baŋ ci-un, a natsu-manteelar tsi Nasien-batsi ni bañaan-bajin ci buts naloole baŋ, ci-un Këristu Yeesu, nul ñaan-najin;

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

BAYEBËREU 13:15

Unk, tsi Yeesu, nda ju ngë mob tsi pëwël Nasien-batsi bëjakan ban ci bi ubëndan, un ci wi, ko wi itum kë pets wi tsi uleka katimul.

BAYEBËREU 2:18

Par, undo nul bërierul apar-na unoor uwal wi na teen-teenana wi, wul ka un na yëlan pëtsënk ban ci biki tsi pëteen-teenana.

BAYEBËREU 2:9

Maa nan welanee apar ngëwaanju ko uties, nul Yeesu, nja ka teenul bikink a na wurana përëmb ni urispiitu, par anoor unoor pëcäts. Unk tsi bëtseend Nasien-batsi a na juaban pëcäts pa ñaan nan ci ba këci.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

BAYEBËREU 7:16

a tsuunaatsa pëci najakan tsi ulua ñaan-najin, maa tsi pëyëlan ubiira un kaats wi ubaani.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

BAYEBËREU 7:24

maa Yeesu, undo aci pa sandëndën, uleempul wi bëjakan aci-un dits wi ka but tsi nalon.

BAYEBËREU 7:8

A tsi, biki ka yank biki kaloole tsi ifa untaaja, bë ci bañaan-bajin, bukul biki kan cats biki. Maa ndun, aci Melkisedek, nul na n jakee aci tsi puu ci nayësal, yank un kaloole tsi ifa untaaja.

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.