BAYEBËREU 6:2 - KARÚK-PËRIM KAWALU Nouveau Testament

² ni un ci wi bëjukan tsi uleka bëmijana, ni kapaf iñan, ni bacäts pënatsee, ni pëlacana pa sandëndën.

BAYEBËREU 6:2 ပူးပေါင်းရင်းမြစ်များ

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MATEU 3:14

Maa a Joŋ pokul, ajaul: “Nji n fier un wi pëmijanin, a m do um a kë bi tsi nji?”

MARKU 16:16

Ñaan na Uwaki a na mijana, në buerana. Maa na Uwakatsi, në lacana.

MARKU 7:4

A uja ba pëni di kënjëkënts, bu ri ka riala uci ba ñawësarats bërun. A u ka ngëko ngëcumal tsi undimaan bukul, ngi bu kë ro ngi; pi kañaw-iraani, ni iliiki, ni iŋi itsak, ni ikaab.

MARKU 7:8

Bu bër utsua Nasien-batsi, a ba mob tsi undimaan bañaan-bajin.’”

LÚKAS 11:38

A Nafariseu pikra, bi na win bi Yeesu tsoar bariala te ñawësarats bërun, bi u tsua bi tsi undimaan bukul.

LÚKAS 12:50

Aka bëmijan bi n ka bi pëmijana; a n juatsan aa ko umënts wan ka tsënkëna ka ci.

LÚKAS 14:14

din kë naak. Par, bë kaats ko wi bu kii lukënu wi. Maa kii lukaa, unatsee bamabal di pëcäts.”

LÚKAS 3:16

Joŋ ja kul bëlieng: “Nji, mán mijanaan ind mlik. Maa nan peini ka bi, në mijan ind di Uwejats-ujënts ni bërua. Nji n tsënkaants pëjaa mán pacul katanëni iraalaul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:33

Nji n doots n meul, maa na yëliini pii mijan di mlik, nul jain un: ‘Ni m wini Uwejats welee ee jut tsi nul, nul ci-un ni ka mijan indi di Uwejats-ujënts.’

KAKÚRAN-KAWAR YEESU KRISTU BI JOŊ LEENŢ BI KUL AJA 5:29

Bando biki úwar ka natsee pa ubiira, a bando biki útsëtsuel ka natsee pa kawata-pëleents.

NGËRO 10:47

“Ba yank bikink Uwejats-ujënts pinja ane ñaan yëlan pëlaaŋ bukul pëmijana tsi mlik-a?”

NGËRO 13:3

Bi ba ba bi kabër-mlik, ni bëñaan, a ba paf bukul iñan, ba wëtan bukul ba tsëp.

NGËRO 16:15

Bi na mijana bi, nul ni bañaan katoul bëlieng, na buara wund aja: “Ba nda win ci na waki tsi Ajug; nda pëni ndii ci ri kato nji.” A na tambandar pëtsu wund niiran, a wund niiran.

NGËRO 16:33

A nawaay tsëpand bukul tsi uler umënts wun bërëm ee ñawës bukul mlupi; a uu ba, na mijana uyëk umënts wun, nul ni bayiicul bëlieng.

NGËRO 17:18

A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 2:41

A ba niiran biki përimul mijana; tsi unu umënts wun, bëruakan bañaan ngëmiil ngëwaants (3.000).

NGËRO 23:6

Tsi Bëjúk bawat-pëleents bawiak, Pol ame kalon kajara aci ki Basaduseu, a kacints ci ki Bafariseu, a na kat përim aja: “Batsaar ni nji bayënts, nji man ci Nafariseu, abuk Nafariseu. Undo bi n wats bi tsi kanatsee-di-pëcäts, wul ka wun n du wata pëleents.”

NGËRO 24:15

Man ka uwats tsi Nasien-batsi, pi bamënts biki buts, un ci wi, kanatsee-di-pëcäts aci pa bamabal ni bamabats.

NGËRO 24:21

Ucits ba përim pi baŋ, pi kat pun tsi pëncuaf bukul, a n ja: ‘Tsi uleka kanatsee bacäts ka wun ci tsi pëwataa pëleents ntsari tsi bërun ind.’”

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

NGËRO 26:8

We ka wun a nda wejats aja, Nasien-batsi pëtsu bacäts ba natsee yëlanats pëfiaara?

NGËRO 4:2

Bu riabats undo bi bu kë jukan bi bañaan, koo leents uleka kanatsee-di-pëcätsts Yeesu.

NGËRO 6:6

Ba natsan bukul tsi bërun bapostolu, a bapostolu paf bukul iñan, añaandër bukul.

ROOMA 2:16

a tsi Upetsan-uwar wi ndu n leents wi, unk di wii ci run, unu wi Nasien-batsi kë watëna wi bañaan-bajin pëleents tsi Yeesu Këristu, tsi ngëko kambeku bukul.

1 KORINTU 10:2

Tsi uleka Moises, a ba mijanaa bëlieng di kasa, ni di bërëk.

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

FILIIPUS 3:21

nii witsës ngëliaf nja ngul ngan tienkëtsana ngi, në tsu ngul ngë naam ni uliaful wi përëmb. Ka roona ko wan tsi pëyëlan pi na ka pi, pi nu tsuuna pi ngëko bëlieng, nga fets përimul.

KOLOS 2:12

nda mooya ni nul tsi bëmijan, a nda natsee ni nul, undo nda wak tsi pëyëlan Nasien-batsi, pul pan tsuul pi a na natsee di bacäts.

2 TIMOTEU 2:18

bu pën tsi ucär. Par bë ci tsi puu ja, kanatsee-di-pëcäts apar ba. Unk, a bu kë cok balon uwak.

BAYEBËREU 11:35

Bakaats akakana bayiic bukul ban cats biki a ba natsee di pëcäts. Maa balon apikaara te a ba cäts, bu niiraants pëfacana. Unk, pa bu ka band tsi kanatsee-di-pëcäts kan pe ki pëwara.

BAYEBËREU 9:10

Ngëmënts ngun aci këci ngëtsua bañaan-bajin tsi uleka bariala, ni mdaan, ni ngëndimaan ngëcumal ngi mñawësar; unk te tsi uwal pëwitsës ngëko ngë ci ngëwalu.

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.