BAYEBËREU 6:17 - KARÚK-PËRIM KAWALU Nouveau Testament

¹⁷ Unk, Nasien-batsi aŋal pëpiban barukanda uwatsan, ne, ko wi na tsaag wi di ka but bëlon bëci. Wul ka wun, ni ubaaja a na mob tsi ko wan.

BAYEBËREU 6:17 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 10:10

Nakiej ka bi pa pëkiej rin, ni pëfiŋ, ni pëcok; maa nji man bi pa bañaan pëka ubiira, ubiira un kës wi.

ROOMA 11:29

Par ngëtseend Nasien-batsi ni karuaul, di ka gara.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

GALAASIA 3:29

A uci nda ci biki Këristu, nda ci kajër Abraam, barukanda, bi Nasien-batsi watsan bi ja.

EFEESU 1:11

A tsi nul buts tsi ngë ratënaa tsun, ngë ci ban yecisa biki tsi utsaag na leempi ngëko bëlieng tsi buwejatsul tsi uŋalul;

BAYEBËREU 11:7

Uwak tsu wun Noe, uwal wi Nasien-batsi car wi aleentsul uleka nga netse ngi winaa, a na lënk Nasien-batsi, a na leemp bëntsian pa pëbueran bañaan katoul. Uwakul wi na lacanaan wun bañaan umundu, a na ruka ci narukanda bëmabal, bul bi ñaan kë kaana bi tsi uwak.

BAYEBËREU 11:9

Uwak tsuul wun a na ciina di kandeer ka watsana ki, pi kandeer katsooŋ. A nuu ciina di ngënkundan, ni Isaak ni Jakob, bukul ban bofara biki ni nul pëci barukanda uwatsan umënts wun.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:16

Bañaa n ja ba roon bu ka baaja nan pei bukul, din ubaaja ka mob tsi ko un jaka wi, u ba ni mantotëlër.

BAYEBËREU 6:18

Unk, tsi ngëko ngëtëb ngan yëlanats ngi pëbutanaa, ngan yëlanats ngi pëjaa Nasien-batsi atsup tsi ngul, nja ka liinc-liincana ngëwaas mak, n ja ban túki biki pii mob pëliincan uwats un tsua wunk tsi bërun.

JAKOB 1:17

ko bëtseend u wara wi, ni ko wi kan tseenda wi ñaan, un ba wi pëci uwar, aci ngan pëni ngi ruets, ngan pënë-ni ngi di Asin, nan doi ngëfac; nul di ka witsësar, kaats ulimënts wi kan buta-buta wi;

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 PER 3:7

Ind bayën bukul buts, nda ciin tsi manteelar ni baar ind, ndë me ba ci pi kaŋí kan daf ki. Nda rëmbani bukul, par ind ni bukul ka rukanda bukun bëtseend ban tsij bi ubiira; ko tsë ci wi ka laaŋ wi bëñaan ind.