BAYEBËREU 6:12 - KARÚK-PËRIM KAWALU Nouveau Testament

¹² Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:12 ပူးပေါင်းရင်းမြစ်များ

MATEU 22:32

Aja: ‘Nji n ci-un Nasien-batsi Abraam, Nasien-batsi Isaak, ni Nasien-batsi Jakob.’ Nasien-batsi cits Nasien-batsi bacäts, maa Nasien-batsi bayësal.”

MATEU 25:26

A ajugul yankul aja: ‘Wi naleemp na waraatsee, a m ciind nabisarën! M do me nja ndoon koo cët tsi wayaants tsi, a n dë coonts tsi gurats tsi;

LÚKAS 16:22

A naranj bi cats, ngëwaanju tsëpandul, na bi ci tsi Abraam ci tsi. Narëmb bi cats buts, na mooya;

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

ROOMA 12:11

Ind tsë ci babisaran, maa nda ciin ba yëkan biki tsi uwejats, nduu leempar Ajug.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

ROOMA 4:12

Unk di na ci run buts asin ba wela biki kambac, a cits ban baar biki tsi kawela-kambac rin; maa ban depa biki iyots uwak wi Abraam ka wi uwal wi na netse wi wela kambac, nul asin nja.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

2 TESALONIKA 1:4

Wul ka wun wund ja wund roon, wund kë píc tsi iriisia Nasien-batsi, undo mtambandar ind ni undo uwak ind, tsi pënoor-noorana pi nda ciina pi bëlieng, ni tsi pëteenamana.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 11:33

Bukul, bu kamanaan uwak a ba yank msien, ba tsu bëmabal a buu rolaa, ba yank nga watsana ngi, a ba ruman ngëlioŋ itum,

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

BAYEBËREU 5:11

Tsi uleka ko umënts wun, wund aka ngëcumal ngi wund kë ja ngi, maa pëpac ko wi nga ja wi añats, par nda ruka ci batsuunk tsi pëme ko wi irim pac wi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

JAKOB 1:3

ndë me, pëteenamën-napi uwak ind teenamana pi, ka tsu ind tsi umiira.

2 PER 1:10

Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.