BAYEBËREU 6:1 - KARÚK-PËRIM KAWALU Nouveau Testament

¹ Wul ka wun, nda ju ngë wëtan bëjukan ngëko ngëcäk tsi uleka Këristu, nja ka pënar ngëko këjëŋal. Nja tsë tsu kak ucak-cakan, un ci wi, kayaar-ibats tsi uleka ngi ñaando ngi, ngi kan tsëpandul ngi pëcäts, ni un ci wi uwak tsi Nasien-batsi,

BAYEBËREU 6:1 ပူးပေါင်းရင်းမြစ်များ

MATEU 21:29

A abukul yankul aja: ‘Nji n ŋalats.’ Maa a na ru yaar ibats, a na tsëp ee leemp.

MATEU 21:32

Par, Joŋ abi ee piban ind bëga bëmabal, a nda fiaaratsul. Maa bayep bëluk-uraasa, ni bakaats batúk-ufuts, bu fiaarul; a ind ba win biki umënts wun, nda bitse yaar ibats ndë fiaarul.

MATEU 3:2

koo ja: “Nda yaari ibats, par pësien batsi awokani.”

MATEU 4:17

Pëkur tsi uwal umënts wun, a Yeesu jot pëleents përim, a nuu ja: “Nda yaari ibats, par pësien batsi awokani.”

MATEU 5:48

Bi u ci bank, nda ciin ban ba biki pëci bawar, bi Asin ind nan cii di batsi ci bi nan bai pëci nawar.

MATEU 7:25

a usubal subi, a uwëk-wëk bi, a ufuts natsee ee yërand kato kamënts kun, maa kato yërats, par ujuundi kul aci tsi ilaak.

MARKU 1:1

Ujuundi Upetsan-uwar Yeesu Këristu nul Abuk Nasien-batsi.

MARKU 6:12

Din a ba pën, a bu kë leents përim koo ja bañaan ba yaar ibats.

LÚKAS 6:48

Anaam ni ñaan nan ci tsi pëniew kato, na jëp tsëko awandan, na tsu ujuundi tsi bëlaak. A mlik mcum natsee, a uwëk-wëk bi ee kobar tsi kato kamënts kun, maa yëlaants pëlëg-lëgan kul, par aci kato ka niewa ki uwar.

KAKÚRAN-KAWAR YEESU KRISTU BI JOŊ LEENŢ BI KUL AJA 12:44

A Yeesu lië, aja: “Na waki tsi nji, cits tsi nji tsi na wak tsun, maa awak tsi na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 14:1

A Yeesu ja kak: “Ngëwaas ind tsë coka. Nda wak tsi Nasien-batsi, nda wakan buts tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 17:30

Tsi inkri, Nasien-batsi teenats ka meets ko ija maa inkri, a wël ulai ne bañaan bëlieng kara tsëko ka yaar ibats.

NGËRO 2:38

A Per yankës bukul aja: “Nda wëtani bëci ind, uja kara ñaan tsi ind në mijana tsi katim Yeesu Këristu, pa pëjampësaa ngëjubanul, ndë yank utseend Uwejats-ujënts.

NGËRO 20:21

A n leents Bajudeu ni Bagërek përim, pa ba witsësa pa Nasien-batsi, bu ka wak tsi Ajug nja Yeesu.

NGËRO 26:20

maa, man cakës pëleents bañaan Damaasku përim, ni di Jerusalem buts, ni di Judeeya bëlieng, ni ban cits biki Bajudeu, pa ba yaar ibats, bu ka witsësee pa Nasien-batsi, bu ka mob tsi përo ngëko ngi kan piban ngi ba yaar ibats.

NGËRO 3:19

Nda yaari ibats, ndë witsësee tsi Nasien-batsi, pa ngëjuban ind pëfaawaa

1 KORINTU 13:10

Maa, uwal wi un kës wunk bi wi, din un kësats wunk ka ba.

1 KORINTU 2:6

Ucar, wund ka ñakanaan kameko tsi bajëŋal, maa cits kameko umundu wi, nin cits kameko babuk basien umundu wi, ki kan ba ki.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

2 KORINTU 7:10

Par pëjuatsan pan pënë-ni pi tsi Nasien-batsi, ka tsiji kayaar-ibats pa pëbuer, kan dits ki ka tsiji pëja, n do me; maa pëjuatsan pan ci pi pi umundu, ka tsiji pëcäts.

EFEESU 2:1

A ind bando biki cats tsi undo ngëlaci ind ni tsi ngëjuban,

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

EFEESU 4:12

pa pëyecis bayëman pa përo uleemp, pa bukul pënatsan uliaf Këristu,

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

KOLOS 3:14

A tsi ruets ngëmënts ngan bëlieng, nda tiemaan bëŋal, un ci wi, ko wi ka mobulan wi ngul bëlieng tsi pëba pëwara.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

1 TIMOTEU 6:19

Unk di bu kuu jukëlën dun bëka buwar, bëliincal, pa tsi bërun, pa bukul pii tsënkan ubiira un ci wi ubiira ucär.

2 TIMOTEU 2:19

Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

BAYEBËREU 12:13

Nda roori iyots ind iga icol, najënk tsë ci nalab, maa na yësan.

BAYEBËREU 7:11

Babuk Israel ba n jabuni biki pëbuka Lewi, bu wëla Ulua tsi uleka bajakan. A uci uleemp bajakan ro yëlan pëbandan ñaan pëba pëci nawar, we ka wun a u wama fiera nalon najakan pëtsuaa, tsi bënekëlar ni Melkisedek, te di ka rataa tsi bënekëlar ni Aaron?

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

JAKOB 1:4

Umiira aka pëba uleemp wul, pa ndë ba pëci bawar, ndë jëŋ, nda rits cika tsi ko.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 4:12

Ñaan winats Nasien-batsi yaas; uci ngë ŋalëlar tsi ngë ci tsi, Nasien-batsi ka mob tsi pëci di nja bëŋalul ka ci ban kës bi di nja.