BAYEBËREU 5:9 - KARÚK-PËRIM KAWALU Nouveau Testament

⁹ A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

BAYEBËREU 5:9 ပူးပေါင်းရင်းမြစ်များ

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

LÚKAS 13:32

Na yank bukul, aja: “Nda tsëpan ndii ja ucuts umënts wun, nji ka nduak ink ngëcaay nga pën di bañaan, a ndu n yësan bañaan, ntsari ni faan; unu uwaajantsan, ka ba ko wi n du n do wi.

KAKÚRAN-KAWAR YEESU KRISTU BI JOŊ LEENŢ BI KUL AJA 19:30

Bi Yeesu mel bi bëneegar, a na ja: “Ngëko bëlieng aba përolaa.” A na ŋëpan been, a na juab.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 4:12

Pëbëër ciinats tsi nalon; par tsi utsia batsi, kaats kalon katim ka wëla ki tsi bañaan-bajin, ki ngë ka ki pëbuërëna.”

NGËRO 5:32

Wund aci bamaatir ngëko ngi, wund ni Uwejats-ujënts wi Nasien-batsi wël wi baro ko wi na ja wi.”

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 10:16

Maa cits bañaan bëlieng niiran bukun Upetsan-uwar; par Isaaya aja: “Ajug, yën wak un përim pi wund leents pi?”

ROOMA 15:18

Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

ROOMA 6:17

Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

2 KORINTU 10:5

ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

2 TESALONIKA 1:8

di bametsu kandiamënt bërua, në lukan ba meets biki Nasien-batsi, ni ban fetsats biki përim Upetsan-uwar Ajug nja Yeesu.

2 TESALONIKA 2:16

Ajug nja Yeesu Këristu bërierul, ni Asin nja Nasien-batsi, nul na ŋalnjai, a tsi bëtseend a na wël nja ka liinc-liincana ngëwaas kan dits ki ka ba, a na wëland nja uwats u wara wi.

2 TIMOTEU 2:10

Wul ka wun n ci tsi puu miira tsi ko un ci wi-ba këci, undo barata, pa bukul buts pëyank pëbuer, pul pan ci pi di Këristu Yeesu; bu ka yankand përëmb pan dits pi ka ba.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 11:40

Par, Nasien-batsi akaar nja ko un pe wi pëwara, pa ba rits bandan pëba pëci bawar, ucits ba ni inja.

BAYEBËREU 11:8

Uwak tsu wun Abraam, uwal wi na rua wi pa na tsëp tsëko tsi nu yank tsi, tsë ci bërukandaul, a na niiran a na tsëp, ŋal bi na meets bi tsi nu ya tsi.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 2:10

Nasien-batsi, nul nan kaani ngëko bëlieng, te nul leemp un ngul a na tsiji bacumal, babuk, te tsi përëmb, awara bi na tsu bunk nan kaari bukul pëbuer a na ci na waree aba, tsi undo unoor wi na noor wi.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

BAYEBËREU 9:12

Nul, niajënats pëñaak ngëruekas, ni pi ngëbay, maa pëñaakul bërierul pi na niajëna pun uyaas uloole baŋ di Tsëko tsan pe tsunk pëci tsëyëman, a na tsiji nja pëfacana pa sandëndën.

BAYEBËREU 9:15

Wul ka wun Këristu ci natsu-manteelar tsi karo-pëloole kawalu, bi na cäts bunk, pa pëluk pëbuer bañaan tsi ngëjuban ngandolaa ngi tsi uwal karo-pëloole kacak, pa banduee biki ka yank bërukanda ba watsana bi, bul ban dits bi ka ba.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

JÚDAS 1:21

Nda tambandari pëci tsi bëŋal Nasien-batsi, ndë ci tsi pëlip kayëk-ipës Yeesu Këristu, Ajug nja pa ubiira un dits wi ka ba.