BAYEBËREU 5:7 - KARÚK-PËRIM KAWALU Nouveau Testament

⁷ Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

BAYEBËREU 5:7 ပူးပေါင်းရင်းမြစ်များ

MATEU 27:46

Uwokan ngëwal ngëwaants, a Yeesu kat përim alie mak, aja: “Eli, Eli, lema sabaktani?” Un ci wi: “Nasien-batsi nji, Nasien-batsi nji, we ka wun m bërin?”

MATEU 27:50

A Yeesu kaka kat përim alië mak, a na juab.

MARKU 15:34

Tsi ngëleer ngëwaants, a Yeesu kat përim alie, aja: “Eli, Eli, lema sabaktani?” Uci pa colësiaara aci: “Nasien-batsi nji, Nasien-batsi nji, we ka wun a m bërin?”

MARKU 15:37

Maa Yeesu kat përim alië uyaas ucints, a na juab.

LÚKAS 23:46

A Yeesu lië mak, aja: “Paapa, man wëtandaru uyafënts nji.” Ubaul pëja përim pan, a na juab.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 11:35

A Yeesu rug.

KAKÚRAN-KAWAR YEESU KRISTU BI JOŊ LEENŢ BI KUL AJA 11:42

Ma me m ja m doon kuu cikëndënin. Maa, undo kandënd bañaan ba nats bikink afayin, wul ka wun nja ank, pa bukul pëfiaar u ci wi yëliin un.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:1

Bi Yeesu ba bi pëja ngëmënts ngan, a na katar këkës batsi, a na ja: “Paapa, uler aband. Rëmbani Abuku, pa Abuk ka rëmbanu,

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

GALAASIA 4:4

maa, a ngëwal kë band, a Nasien-batsi yëli Abukul, nan pënë-ni tsi ŋaats, a na pënë-ni tsi ulua,

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

BAYEBËREU 10:10

Aci tsi uŋal umënts wun tsi ngë yëmanaana tsun, tsi bëjakan uliaf Yeesu Këristu uyaas uloole baŋ.

BAYEBËREU 10:5

Wul ka wun, uniaji Këristu tsi umundu, a na ja: “M ŋalats nin bëjakan, nin bëtseend, maa m yecisn uliaf.

BAYEBËREU 11:7

Uwak tsu wun Noe, uwal wi Nasien-batsi car wi aleentsul uleka nga netse ngi winaa, a na lënk Nasien-batsi, a na leemp bëntsian pa pëbueran bañaan katoul. Uwakul wi na lacanaan wun bañaan umundu, a na ruka ci narukanda bëmabal, bul bi ñaan kë kaana bi tsi uwak.

BAYEBËREU 12:28

Wul ka wun, bi n ja kë yank bink pësien pa yëlanaatsa pi pësiints-siintsana, nda ju ngë mob ngë liincan bëtseend bëmënts bi. Tsi bul nja kë leempar Nasien-batsi ni bëro bi nuu lílandër bi, ni puu ro ko un jaka wi, ni puu lënkul.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

1 JOŊ 4:3

A uwejats un petsats wi ja Yeesu Këristu abi tsi uyamats, cits wi Nasien-batsi, maa aci uwejats nanatsara-Këristu wi nda te wunk ujaka ka bi; wul aci ba tsi umundu.

2 JOŊ 1:7

Par bafalar bacumal agara jëk umundu, ba niiranats biki Yeesu Këristu biini uyamats; namëntsan ci-un nafalar ni na Natsara-kandata.