BAYEBËREU 4:2 - KARÚK-PËRIM KAWALU Nouveau Testament

² Par nja buts, ngë ci ba leentsa biki upetsan-uwar pi bamënts bukun; maa përim pi ba cikëndën pi kaats bëkat tsi ngëbiira bukul, par ban cikëndën biki pul bu bofanats pul ni uwak.

BAYEBËREU 4:2 ပူးပေါင်းရင်းမြစ်များ

NGËRO 13:46

Din, Pol ni Barnabas ñakanaan bukul ni bëyeentsal, aja: “Ind ka bukun pëleentsa përim Nasien-batsi ucak; maa, bi nda bër bink pul, a nda wejats bërier ind pëja nda tsënkaants pëyank ubiira un dits wi ka ba, inkri wund ka witsësa pa ban cits biki Bajudeu.

NGËRO 3:26

Unk, Nasien-batsi anatsani naleempul, a na yëliul bërun tsi ind, pii jaar ind ngëwar, uja kara ñaan tsi ind në cikësiul tsi ngëkoul ngi kawaraatsa.”

ROOMA 2:25

Tsi ucär kambac aka bëkat, uci m mob tsi përo ko wi ngëtsua ja wi; maa uci m ci naro ko wi ngëtsua pok wi, kawela-kambacu ka witsa ka ci kawelaatsa-kambac.

ROOMA 3:3

A u ci we? Uci balon mobats tsi përim, kamobats bukul tsi përim ka gar Nasien-batsi pëmob tsi përim-a?

1 KORINTU 13:3

Ŋal ka fa baranj bëka nji bëlieng; ŋal ka wël uliaf nji bërierin pa u tëraa, maa uci n kaats bëŋal, ko wan di ka kaarin bëkat.

GALAASIA 3:2

Ko wi rin wi n ŋal wun pëme tsi uleka ind: Undo përo ko wi ulua tsu wi ka wun nda yank Uwejats Nasien-batsi, ane undo nda cikëndën përim uwak-a?

GALAASIA 3:8

Bëpican acar apiban Nasien-batsi kë tsu ban cits biki Bajudeu pëci bamabal, tsi undo uwak bukul, a na cakës aleents Abraam upetsan uwar wi, aja: “Tsi uwi, tsi ngëcaak bëlieng kë beeniraana tsun.”

GALAASIA 4:13

A ind nda me u ci-undo pëmoj nji tsi uliaf, ka wun leents ind Upetsan-uwar bëyaas bëcak;

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 4:6

Unk, bi pëniaj tsi pënaakësa pëmënts pun wama bunk arukara balon, ate bacak ban do bukunk leentsa upetsan-uwar niajats tsi pul, undo karika-ro ko un jaka wi,

JAKOB 1:21

Wul ka wun, nda wëtani ko un tsop wi, ni kabuer kajuats-ngëwaas, ndë mob ni ngëwaas-ngëjuab përim pi nda wëla pi, a pa yëlan pëbueran ind.

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.