BAYEBËREU 4:12 - KARÚK-PËRIM KAWALU Nouveau Testament

¹² Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

BAYEBËREU 4:12 ပူးပေါင်းရင်းမြစ်များ

LÚKAS 8:11

“Përim pan tiba pank, ko wi pa pac wi ci wun wi: Utul, aci përim Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 12:48

Ñaan nan bërini, a niiranats irim nji, nul, aka ni ka watuli pëleents; përim pi n leents pi, pul ka watul pun pëleents, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 6:51

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

NGËRO 2:37

Bi bañaan te bi ko wan, a ngëwaas bukul juatsan mak, a ba ja Per ni bacintsul bapostolu: “Batsaar ni wund! We wi wund kë ro wun?”

NGËRO 4:31

Bi ba ba bi bëñaan, a tsëko tsi ba jukëna tsi siintsar, a ba cum bëlieng Uwejats-ujënts, bu kë leents përim Nasien-batsi ni bëyeentsal.

NGËRO 5:33

Bi ba te bi ko wan, ba riabats a ba ŋal pëfiŋ bukul.

NGËRO 7:38

Bi baisrael juk bi di ulaalats, a Moises namëntsi ci-un ni basin nja ni uwaanju u ñakanaanul wunk di untunda Sinai; aciul yanki un irim ubiira pa pëwël nja yul.

ROOMA 1:16

Par nji, in di ka n kawara Upetsan-uwar, wul aci pëyëlan Nasien-batsi pa pëbuer na waki ba këwak; ucak aci pëbuer Najudeu, a u ru ci pëbuer nagërek.

1 KORINTU 1:24

Maa pa bandua biki, Bajudeu ni Bagërek, wund ka leents bukul Këristu, nul pëyëlan Nasien-batsi ni kameko Nasien-batsi.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

EFEESU 5:13

Maa ngan pibanaa ngi bëlieng, ka wina tsi ufac,

EFEESU 5:26

pa pëyëman ngul, uwal wi na jëntsanaan wi ngul mlik, ni përim,

EFEESU 6:17

nda jejan kakapaciiti pëbuer, ni ulaac Uwejats-ujënts, un ci wi përim Nasien-batsi.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

1 TESALONIKA 5:23

Nasien-batsi pëfac, bërierul na jëntsani ind cës; a uwejats ind u gaangaan ni uwaas, ni uliaf tsi kakaats-ulaci, te ubiri Ajug nja Yeesu Këristu.

BAYEBËREU 13:7

Nda lesan ban tsijëna ind biki, bukul ba leents ind biki përim Nasien-batsi. Nda niimani-e utuami ngëbiira bukul, din ndë teenëna uwak bukul.

BAYEBËREU 6:5

ban juaban biki ulílar përim Nasien-batsi, ni ngëko pëyëlan ngan ci ngi ngi umundu wi kan bi wi,

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

1 PER 1:23

Par nda bukënaatsa uyaas ucints tsi ucapi wi kan coka wi, maa un dits wi ka coka; tsi përim Nasien-batsi pëyësal, a pa ci pa sandëndën.

UPIBAN 1:16

Atsij ngëpesaj paaj ni ulon tsi kañanul kariir, a ulaac ujulal un tsij wi ngëre ngëtëb kë pëni di mtumul. Urostuul anaam unk unu ka fiets wun, uwal wi u pe wi pëfiets.

UPIBAN 19:15

A ulaac un de wi kë pëni di mtum nan dija unk umpëlënc ufaacal, pa pëkobuna ngëcaak. Nul koo yafanaan ngul pëndog pëfeeru; ka poos-poosan kapuañi pëwat uriab, wi ukulëñ Nasien-batsi, Kayëlan-bëlieng.

UPIBAN 19:21

A ban duka bukunk fiŋaa ni ulaac wi kan pëni wunk di mtum nan dija unk umpëlënc; a ngëko-ngëyits bëlieng re ngëyamats bukul asuets.

UPIBAN 2:16

Bi u ci bank, yaari ibats. Ucits ank ba, ka bi tsi wi tsi ko un car wi, din ka kaman bukul ni ulaac wi kan pëni wi di mtum nji.

UPIBAN 2:23

Mán fiŋ upätsul. Din, iriisia bëlieng ka me nji n ci-un ni kan teeni ngëtsaag ni ngëwaas, uwar. A te, mán luk ind kara ñaan ngi na ro ngi.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).