BAYEBËREU 4:11 - KARÚK-PËRIM KAWALU Nouveau Testament

¹¹ Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

BAYEBËREU 4:11 ပူးပေါင်းရင်းမြစ်များ

MATEU 11:12

Pëkuri tsi uwal Joŋ-namijan te inkri, uforsa ka niajëna wun pësien batsi; baka-uforsa ka yank bukun pul.

MATEU 7:13

Nda niajëni tsi pëlëman pan kats punk, par pëlëman pëwaanal pun ni bëga bëwiak bun ka niaman ñaan; a bañaan bacumal kë niajëna tsi bul.

LÚKAS 13:24

“Nda kamandari pëniajëna pëlëman pan kats punk. Par ma n ja ind, bañaan bacumal ka këmand pëniaj, maa bë ri ka yëlan.

LÚKAS 16:16

Ulua, ni bayëlia, aleentsaa te uwal Joŋ. Pëpën tsi uwal umënts wun te inkri, Upetsan-uwar pësien Nasien-batsi ci tsi pëleentsaa, a uja nandooni në tambandar mak, pa pëniaj tsi pul.

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

NGËRO 26:19

Unk, Agëripa, nasien, nji i pokats përo ko wi win wi di bëwinal batsi;

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

EFEESU 5:6

Ñaan tsë fal ind ni irim in kaats yi bëkat; par uleka ngëko ngëmënts ngi ka wun uriab Nasien-batsi kë baandë-ni babuk karoots ko un jaka wi.

FILIIPUS 2:12

Unk, bamiñ ba ŋala biki, ind ba nja biki nda roon tsi ngëwal bëlieng nduu ro ko wi nda jaka wi, nda ciin tsi puu ro unk. Cits rin tsi bërun nji, maa nda ruraan pe këpe puu ro unk inkri, bi n cits bink. Nda moban tsi pëtsu pëbuer ind tsi karo-ko, nduu lënkand mak.

KOLOS 3:6

Undo ngëmënts ngun, ka wun uriab Nasien-batsi kë baandë-ni babuk karoots ko un jaka wi.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 3:18

A bokoom biki Nasien-batsi baaja bukun aja, bu ri ka niaj koon këniaj tsi pënaakësaul? Cits iink ban doots biki ko un jaka wi-a?

BAYEBËREU 4:6

Unk, bi pëniaj tsi pënaakësa pëmënts pun wama bunk arukara balon, ate bacak ban do bukunk leentsa upetsan-uwar niajats tsi pul, undo karika-ro ko un jaka wi,

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

2 PER 2:6

A na lacan përaasa Sodooma ni Gomoora, a na gar yul aba, awíts ufab; unk, a i ci upiban pa balënkats-Nasien-batsi.